Contact Us

SON XƏBƏRLƏR

İranda internet daha da yavaşladı

2026.08.17, 08:07
İranda internet daha da yavaşladı

Gunaz.tv

İrandan yayılan son məlumatlar son günlərdə internetin sürətinin azalması, ayrı-ayrı bölgələrdə bağlantıların kəsilməsi və xidmət keyfiyyətinin pisləşdiyini göstərir.

Təxminən 3 min nəfərin iştirak etdiyi sorğunun nəticələrinə görə, istifadəçilərin 79 faizi son bir həftə ərzində internetin keyfiyyətinin pisləşdiyini bildirib. 

İnternet kəsintilərinin aşkarlanması və təhlili sistemi də Mazandaran, Kerman və Qərbi Azərbaycan əyalətlərinin bəzi bölgələrində ciddi bağlantı zəifləmələri qeydə alıb.

ABŞ-ın internet infrastrukturu şirkəti Cloudflare-in məlumatlarına görə, 88 günlük genişmiqyaslı internet kəsintisinin başa çatmasından təxminən üç ay sonra belə İranda internet trafiki əvvəlki normal səviyyəsinə qayıtmayıb və əvvəlki səviyyənin təxminən 59 faizi ətrafında sabitləşib.

Hazırda əvvəlki 88 günlük kəsinti miqyasında ölkə üzrə tam internet qapanmasına dair əlamət yoxdur. Buna baxmayaraq, istifadəçilər mobil və sabit internetdə ciddi yavaşlama, bağlantıların kəsilib-bərpa olunması və bəzi xarici platforma və xidmətlərə çıxışda problemlərdən şikayət edirlər.

İranın rabitə naziri də son böhran zamanı internetin kəsilməsinin informasiya texnologiyaları, rabitə və rəqəmsal iqtisadiyyat sektorlarına 67 trilyon tüməndən çox birbaşa zərər və gəlir itkisinə səbəb olduğunu bildirib.

 

Gunaz.TV
R.G

Açar Sözlər :

SEÇİLMİŞ XƏBƏRLƏR

Çox oxunanlar