Contact Us

SON XƏBƏRLƏR

İranın ən nüfuzlu universiteti oyuncaq siçana görə tələbəni universitetdən qovub

2026.08.20, 12:39
İranın ən nüfuzlu universiteti oyuncaq siçana görə tələbəni universitetdən qovub

İranın ən nüfuzlu texniki universitetində təhsil alan tələbə kampusdakı ağaca asılmış oyuncaq siçana görə universitetdən xaric edilib və dörd il müddətinə ölkənin bütün universitetlərində təhsil almaqdan məhrum olunub.

Gunaz.tv

Şərif Universitetinin Tələbə İşləri İdarəsi bildirib ki, kompüter mühəndisliyi üzrə magistr tələbəsi, 24 yaşlı Rza Dəlmana qarşı çıxarılan qərar yekundur.

Dəlman martın 19-da həbs edilib və təxminən bir ay sonra girov qarşılığında azadlığa buraxılıb. Tələbə mənbələri onun işinin fevralın sonunda Şərif Universitetində keçirilən etiraz aksiyaları zamanı ağaca asılmış oyuncaq siçanla əlaqəli olduğunu bildirir. Etirazlardan sonra Bəsiclə əlaqəli bir tələbə ağaca çıxaraq oyuncağı götürüb.

Oyuncaq həm də təhqiramiz bir ləqəblə əlaqələndirilirdi. Belə ki, tənqidçilər Əli Xameneini “Muş-Əli” və ya “Siçan Əli” adlandırmağa başlamışdılar. Bu ləqəb Xameneinin 2025-ci ilin iyununda İsraillə 12 günlük müharibə zamanı ictimaiyyət qarşısında demək olar ki, görünməməsindən sonra yayılıb. Həmin vaxt onun möhkəmləndirilmiş yeraltı bunkerdə sığındığı barədə məlumatlar yayılmışdı.

Dəlman “məxfi” möhürü vurulmuş yekun qərarın görüntüsünü özünün X hesabında yayımlayıb. Universitetin ona qarşı irəli sürdüyü məqamlar arasında tələbənin müdafiəsi zamanı “peşmanlıq ifadə etməməsi” də qeyd olunub.

 

C

Açar Sözlər :

SEÇİLMİŞ XƏBƏRLƏR

Çox oxunanlar