Koroğlu sevgisi ilə Təbrizdən Tikantəpəyə velosiped yürüşü və Çəmli Gölün böyük festivalında iştirak

SON XƏBƏRLƏR

Koroğlu sevgisi ilə Təbrizdən Tikantəpəyə velosiped yürüşü və Çəmli Gölün böyük festivalında iştirak

2026.08.22, 11:43

Təbrizli velosipedçi Möhsün Rzəvani Əsl sabah, bazar günündən etibarən Koroğlu Çəmli Gölün üçüncü mədəni festivalında iştirak etmək üçün Təbrizdən Tikantəpəyə (Təkab) qədər olan məsafəni velosipedlə qət edəcək.

Gunaz.tv

Dörd gün davam edəcək bu yürüşün məqsədi idmanı və sağlam həyat tərzini təşviq etmək, bölgənin mədəni və turizm potensialını tanıtmaq, eləcə də idmanı Azərbaycan mədəniyyəti və kimliyi ilə əlaqələndirməkdir.

Rzəvani Əsl bu marşrut boyunca Traktorun forması, şərfi və bayrağı ilə, Azərbaycanın və dünya türklərinin dastan qəhrəmanı Koroğlunun xatirəsinə velosiped sürərək İlxıçı, Əcəşir, Tufarqan, Məlikkənd, Binəv, Qoşaçay və Sayınqala şəhərlərindən keçərək Tikantəpəyə çatacaq.

Qeyd edək ki, Üçüncü Koroğlu festivalı cümə axşamı 27 avqustda Tikantəpə şəhərindəki Çəmli Göldə keçiriləcək.

Çəmli Göl Azərbaycanın heyrətamiz bölgələrindən biridir. Burada təxminən 80 kvadratmetr sahəsi olan hərəkət edən bir ada yerləşir. Küləyin təsiri və ya Yer kürəsinin öz oxu ətrafında fırlanması nəticəsində ada gölün içərisində yavaş-yavaş hərəkət edir.

Əfşariyordlu əhalisi bu ərazinin məşhur əfsanəvi türk qəhrəmanı Koroğlunun doğulduğu və üsyanlarına başladığı yer olduğuna inanır. Koroğlu qalası, həmçinin Koroğlunun əfsanəvi atları Qırat və Düratın axuru da burada yerləşir.

Ş.A

GUNAZ.TV

SON XƏBƏRLƏR