İranda daha bir etirazçı daha edam edildi

SON XƏBƏRLƏR

İranda daha bir etirazçı daha edam edildi

2026.08.23, 20:09

Gunaz.tv

İran İslam Respublikasının Ədliyyə Hakimiyyəti bu gün, bazar günü, ötən ilin yanvarında İranda keçirilən etiraz aksiyaları zamanı saxlanılan Məcit Adinənin edam edildiyini açıqlayıb.

Ədliyyə Hakimiyyətinin məlumatına görə, Məcit Adinə yanvarın 9-da Kərəcin Məhəmmədşəhr bölgəsində saxlanılıb.

Məhkəmə rəsmiləri iddia edirlər ki, o, saxlanılarkən üzərində “bir ədəd tapança, üç daraq, 30 güllə, iki ədəd elektrik şok cihazı, iki ədəd gözyaşardıcı qaz balonu, bir ədəd akkumulyatorlu mişar və bir şüşə benzin” olub.

Ədliyyə Hakimiyyəti bu siyasi məhbusun ittihamını “İsrail və ABŞ-ın, eləcə də düşmən qrupların xeyrinə əməli fəaliyyət göstərmək və milli təhlükəsizlik və maraqlara qarşı onlarla əməkdaşlıq etmək” kimi açıqlayıb.

Bu iddiaları müstəqil şəkildə təsdiqləmək mümkün deyil.

Ədliyyə Hakimiyyətinin hesabatında həmçinin bildirilir ki, Məcit Adinə ilkin ittihamları rədd edib. Lakin məhkəmə rəsmiləri laboratoriya araşdırmalarının saxlanılarkən üzərindən götürülən silahdan yanvarın 8-i və 9-da atəş açıldığını göstərdiyini bildiriblər.

Amnesty International-ın hesabatına görə, İran 2025-ci ildə ən azı 2 min 159 nəfəri edam edib.

GünAz TV
R.G

GUNAZ.TV

SON XƏBƏRLƏR