Xoyda Şəms Təbrizinin heykəli təqdim olunub

SON XƏBƏRLƏR

Xoyda Şəms Təbrizinin heykəli təqdim olunub

2026.10.08, 20:32

Gunaz.tv

Şəms Təbrizinin heykəli Xoy şəhərinin əsas meydanlarından birində təqdim olunub və həmin meydana Şəms Təbrizinin adı verilib.

Təqdimat mərasimində İranın Mədəni İrs, Turizm və Əl İşləri naziri Seyid Rza Salehi-Əmiri, Qərbi Azərbaycan valisi Rza Rəhmani, həmçinin ölkə və əyalət səviyyəsində tanınmış şəxslər və xarici qonaqlar iştirak ediblər.

Heykəlin quraşdırılması Şəms Təbrizinin mənəvi irsinin Xoy şəhərinin simasında yeni ifadəsi kimi qiymətləndirilir. Şəms Təbrizinin adı Xoyun tarixi və mədəni kimliyi ilə uzun illərdir əlaqələndirilir.

Şəms Təbrizi ilə bağlı mədəni və turizm infrastrukturunun inkişaf etdirilməsi ilə Xoyun bu tarixi irsin tanıdılması və bölgəyə turist cəlb edilməsi istiqamətində imkanlarının genişləndirilməsi hədəflənir.

Şəms Təbrizi XIII əsrin tanınmış sufi və mütəfəkkirlərindən biri olub. O, xüsusilə Mövlana Cəlaləddin Ruminin həyatında və düşüncə dünyasında mühüm rol oynaması ilə tanınır.

GunAz TV
R.G

GUNAZ.TV

SON XƏBƏRLƏR