Ümumdünya Edama Qarşı Mübarizə Günüdür

SON XƏBƏRLƏR

Ümumdünya Edama Qarşı Mübarizə Günüdür

2026.10.10, 10:16

10 oktyabr Ümumdünya Edama Qarşı Mübarizə Günü kimi qeyd olunur.

Gunaz.tv

Bu beynəlxalq gün ilk dəfə 2003-cü ildə Edama Qarşı Dünya Koalisiyası (World Coalition Against the Death Penalty) tərəfindən ölüm hökmünün tamamilə ləğv edilməsinə dəstək vermək və bu mövzuda qlobal maarifləndirmə yaratmaq məqsədilə təsis edilmişdir. Avropa Şurası və Avropa İttifaqı da bu tarixi həmçinin "Avropa Edama Qarşı Mübarizə Günü" kimi tanıyır.

Məqsəd, ölüm cəzasının tətbiq edildiyi ölkələrdə edamların dayandırılması, bu cəzanın insan ləyaqətinə zidd olduğunun vurğulanması və cinayət-ədalət sistemlərində islahatların aparılmasıdır.

Bu aksiya Amnesty International, Birləşmiş Millətlər Təşkilatı (BMT) və bir çox beynəlxalq hüquq-müdafiə təşkilatları tərəfindən geniş şəkildə dəstəklənir.

Beynəlxalq hüquq müdafiə təşkilatlarının hesabatlarına əsasən, Çin və İran İslam Respublikası həyata keçirilən edamların sayına görə sıra ilə dünyada 1-ci və 2-ci yerdə qərarlaşılar.

Hesabatlara görə, xüsusən son illər İranda edamların sayı kəskin şəkildə arıb. Təkcə 2025-ci ildə ölkədə ən azı 2 159 nəfər edam edilib ki, bu da 1981-ci ildən bəri qeydə alınan ən yüksək göstəricidir. 2026-cı ilin ilk aylarında da bu tendensiya davam edib.

İnsan haqları təşkilatlarının hesabatlarına görə, cari ildə İranda 1000-dən çox məhbus edam edilib, onlardan 500-dən çoxunun kimliyi müəyyənləşdirilib.

İnsan haqları təşkilatları bəyan edir ki, İran hökuməti ölüm hökmündən cəmiyyətdə qorxu yaratmaq, daxili etirazları yatırmaq və siyasi repressiya forması kimi istifadə edir.

GünAzTV

GUNAZ.TV

SON XƏBƏRLƏR