Füzulinin işğaldan azad olunmasının altıncı ildönümüdür

SON XƏBƏRLƏR

Füzulinin işğaldan azad olunmasının altıncı ildönümüdür

2026.10.17, 17:37

Gunaz.tv

Bu gün, oktyabrın 17-də Füzuli şəhərinin Ermənistanın işğalından azad edilməsinin altıncı ildönümü qeyd olunur.

2020-ci il oktyabrın 17-də Azərbaycan Ordusu Füzuli şəhəri ilə yanaşı, rayonun daha yeddi kəndini – Qoçəhmədli, Çimən, Cuvarlı, Pirəhmədli, Musabəyli, İşıqlı və Dədəli kəndlərini işğaldan azad edib.

Füzuli 44 günlük Qarabağ müharibəsinin cənub-şərq cəbhəsində mühüm əhəmiyyətə malik ərazilərdən biri olub. Şəhərin və ətraf kəndlərin azad edilməsi Azərbaycan Ordusunun cənub istiqamətində irəliləməsi üçün imkan yaradıb.

Füzuli şəhəri 1993-cü il avqustun 23-də Ermənistan silahlı qüvvələri tərəfindən işğal edilmişdi. Azərbaycan Prezidentinin 2023-cü ildə imzaladığı sərəncama əsasən, hər il oktyabrın 17-si Füzuli Şəhəri Günü kimi qeyd olunur.

GunAz TV
R.G

GUNAZ.TV

SON XƏBƏRLƏR