Contact Us

SON XƏBƏRLƏR

“Çillə gecəsi” ilə bağlı asılan bannerlər yığışdırılıb – Xoy şəhərində

2021.10.20, 07:36
“Çillə gecəsi” ilə bağlı asılan bannerlər yığışdırılıb – Xoy şəhərində

Gunaz.tv

GünAz TV: Bələdiyyə İdarəsi Xoy şəhərinin müxtəlif məntəqələrində bannerlər asaraq əhalini “çillə gecəsi” münasibəti ilə təbrik edib.

 

Bannerlər üzərində türkcə “çillə gecəsi mübarək” cümləsi yazılıb. Bələdiyyə İdarəsinin bu hərəkəti azərbaycanlılar tərəfindən rəğbətlə qarşılanıb və bannerlərin şəkili sosial şəbəkələrdə geniş şəkildə yayılıb. Lakin soydaşlarımızın sevinci uzun sürməyib. Belə ki, yerli əhali elə bannerlərin asıldığı gün onların naməlum şəxslər tərəfindən yığışdırıldığını görüblər. Türkcə yazılmış bannerlərin şovinist dairələr tərəfindən yığışdırıldığı kimsə də şübhə doğurmur.

 

Hadisənin üstündən bir gün keçməsinə baxmayaraq Bələdiyə İdarəsi bu haqda heç bir açıqlama verməyib. İrqçilik zəminində baş verən hadisənin konkret olaraq kimin vəya kimlərin əmri ilə həyata keçirildiyi hələlik məlum deyil.

 

İranda türk dilinə olan təzyiqlər təkcə bannerlərin yığışdırılması ilə məhdudlaşmır. Bu ölkədə yeni dünyaya gələn uşaqlar, mağazalar və şirkətlərə türk mənşəli adlar qoymaq olduqca çətin məsələdir. Bunun səbəbi, rejimin türk kimliyini fars və İran kimliyinə təhdid kimi görməsidir. Bir tərəfdən isə insanlar asimilə edilərək fars və ərəb adları seçməyə təşviq edilir. Türk dilində olan coğrafi məkanların adları da dəyişdirilərək fars sözləri ilə əvəzlənir. Bütün bunlar Azərbaycana qarşı həyata keçirilən asimilasyon siyasətinin tərkib hissəsidir.

 

 

N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar