Contact Us

SON XƏBƏRLƏR

Məhbuslar məsulların təhriki ilə azərbaycanlı fəallarla dava salıb, onları dəyərək yaralayıblar – Ərdəbil zindanında

2021.10.20, 07:36
Məhbuslar məsulların təhriki ilə azərbaycanlı fəallarla dava salıb, onları dəyərək yaralayıblar – Ərdəbil zindanında

Gunaz.tv

GünAz TV: İyulun 2-də Ərdəbildə yaxalanaraq bu şəhərin həbsxanasına aparılan azərbaycanlı milli-mədəni fəallar məhbusların hücumuna məruz qalıblar.

 

Məlumata görə, bir neçə məhbus zindan məsullarının təhriki ilə Rəhim Qulami, Əsgər Əkbərzadə, Əli Vasiqi, Mehdi Huşmənd və Səid Sadiqifərlə dava salıb, onları döyərək yaralayıblar.

 

Məqsədyönlü şəkildə təşkil olunan qarşıdurmada  Rəhim Qulaminin dişi qırılıb, Əli Vasiqinin isə sağ gözünə xəsarət yetirilib, onun gözünün altı göyərib.

 

Hadisənin təfərrüatı ilə bağlı hələlik geniş məlumat yoxdur.

 

İki gün əvvəl təhlükəsizlik qüvvələri tərəfindən Ərdəbildə saxlanılan Rəhim Qulami, Əsgər Əkbərzadə, Əli Vasiqi, Mehdi Huşmənd və Səid Sadiqifərin məhkəmə iclası iyunun 3-də Ərdəbil Məhkəməsinin 12-ci Şöbəsində keçirilib.

 

Hakim Seyfi, milli təhlükəsizlik və sistemə qarşı qrup yaratmaqda günahlandırdığı fəalların ittihamı sübuta yetirilmədən onları həbs etdirib. Məlumata görə, məhkəmə azərbaycanlı fəalların qrup yaratması və ya hər hansı qrupa üzv olması ilə bağlı heç bir qaneedici dəlil və sənəd göstərə bilməyib.

 

Əldə etdiyimiz informasiyaya görə, fəalar Ərdəbil zindanının fərqli bölümlərində saxlanılır.

 

İranın təhlükəsizlik qüvvələri ənənəvi Babək qalası yürüşünə bir neçə gün qalmış milli-mədəni fəalların ev və ya iş yerlərinə hücum çəkərək onlardan ən azı 14-nü saxlayıb.

 

Fəallardan bəziləri ev və ya iş yerlərində olmadığı üçün təhlükəsizlik qüvvələri tərəfindən təqib olunur.

 

Bir neçə fəala isə zəng edilərək Babək qalası yürüşündə iştirak etməklə bağlı xəbərdarlıq edilib. Onlara bildirilib ki, mərasimə qatılacaqları təqdirdə təhlükəsiz qüvvələri tərəfindən saxlanılacaqlar.

 

Azərbaycanlı fəallar ənənəvi Babək qalası yürüşünün iyulun 5-i və 6-da keçiriləcəyinə qərar veriblər.

 

N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar