Contact Us

SON XƏBƏRLƏR

İşıqları kəsilən güney azərbaycanlılar etiraz edir

2021.10.20, 07:36
İşıqları kəsilən güney azərbaycanlılar etiraz edir

Gunaz.tv

GünAz TV: Güney Azərbaycanın şəhər və kəndlərində işıqların tez-tez kəsilməsi yerli əhalinin kəskin etirazına səbəb olub.

 

İyulun 12-də Xosrovşahda soydaşlarımızdan biri işığın kəsilməsi nəticəsində xarab olan bir tanker südü Enerji İdarəsinin önündə yerə boşaldıb.

 

 

Parsabad şəhərində isə bir çörəkçi eyni səbəbdən xarab olan xəmirlərini Enerji İdarəsinin qarşısında yerə töküb.

 

 

Ərdəbilin Boran kəndinin əhalisi də içməli su və işıqlarının kəsildiyinə kəskin etiraz bildirib. Onlar iyulun 13-də Muğan-Ərdəbil yoluna daş və təkər yığaraq yolu bağlayıblar. Bu etiraz İranın Energetika naziri Rza Ərdəkaniyan Ərdəbilə səfər etdiyi zaman baş verib.

 

 

Son günlərdə Güney Azərbaycan şəhərlərində tez-tez işıqlar kəsilir. Bu vəziyyət istehsal müəssisələri, mağazalar , ticarət mərkəzləri və s. kimi iş yerlərinə ciddi ziyan vurub. Məlumata görə, Təbriz və Urmiyənin qapalı bazarının böyük hissəsi qaranlığa bürünərək yarı tətil vəziyyətdə çalışır. Oxşar vəziyyət ticarət mərkəzləri və hətta adi mağazalarda yaşanır.

 

Şəhərin enerjisiz qalması “Təbriz 2018” layihəsi ilə əlaqədar Təbrizə gələn xarici turistləri də narahat edir. Onlar ardıcıl muzeylər və turist məkanlarının bağlı qapısı ilə üzləşirlər. İşıqların kəsilməsi nəticəsində soyuduculardakı qida məhsulları da xarab olur, bir çox insan isə liftdə  (asansör) köməksiz vəziyyətdə qalaraq stress keçirir.

 

Müxtəlif şəhərlərdə istiyə düşən çox sayda uşaq, yaşlı qadın və kişinin xəstəxanaya aparıldığı bildirilir.

 

Yerli mətbuatda yayılan məlumata görə, Şərqi Azərbaycan Elektrik Paylayıcı Şirkəti elektrik enerjisinin qrafiklə verilməsini açıqlayıb, lakin həmin qrafikə əməl olunmur. Təbrizdə bəzi məhəllələrin gün ərzində 8 saatdan çox işıqsız qaldığı bildirilir.

 

N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar