Contact Us

SON XƏBƏRLƏR

Türkiyəli universitet müəllimi “Traxtur” şalı ilə sürpriz etdi – Təbrizdə / VİDEO

2021.10.20, 07:36
Türkiyəli universitet müəllimi “Traxtur” şalı ilə sürpriz etdi – Təbrizdə / VİDEO

Gunaz.tv

GünAz TV: “Təbriz İdman Elmləri Avrasiya” konfransına qatılmaq üçün Təbrizə səfər edən türkiyəli universitet müəllimi tədbir iştirakçılarına sürpriz edib.

 

Məlumata görə, Mücahit Fişnə tədbirin bağlanış mərasiminə Azərbaycanın “Traxtur” futbol komandasının şalı ilə qatılıb. O mükafatını alarkən sevimli komandanın şalı boynunda hər kəsin qarşısına çıxıb.

 

Türkiyənin Cümhuriyyət Universitetinin müəllimi Təbrizdə olduğu müddətdə “Traxtur”un köynəyini də əldə edib, o konfrans zamanı köynəyi əlində tutaraq nümayiş etdirib.

 

https://www.youtube.com/watch?time_continue=2&v=9kcNHe4qloY

 

 

M.Fişnənin bu hərəkəti konfrans iştirakçıları tərəfindən maraqla qarşılanıb, onlar türk qonağı bir neçə dəqiqə alqışlayıblar.

 

M.Fişnə “Traxtur” komandası ilə tanış olması haqda “Vərzeş 3” xəbər agentliyinə danışıb.

 

“Yaxın dostum Ərtoğrul Sağlam ötən il “Traxtur”un baş məşqçisi olub. O Təbriz, “Traxtur” klubu və onun coşğulu tərəfdarları haqda mənə söhbət etdikdən sonra məndə bu komandaya maraq yarandı və internetdə onun haqqında araşdırmağa başladım. Gördüm ki, “Traxtur” çox sayda  tərəfdarı olan güclü bir komandadır. İndi bu komandanı çox sevirəm, bunun əsas səbəbi də onun coşğulu tərəfdarları və “Nə mutlu türkün deyənə” kimi səsləndirdikləri gözəl şüarlardır.

 

Cümhuriyyət Universitetinin müəllimi Təbrizdə keçirilən konfrans iştirakçılarına sürprizi haqda İnstaqram səhifəsində bir video və yazı da paylaşıb. “İranda 35 milyondan çox türk tərəfdarı olan “Traxtur” komandasının şal və köynəyi ilə konfransın bağlanış mərasiminə qatılanda belə olur...”- deyə paylaşdığı postda qeyd edib.

 

“Təbriz İdman Elmləri Avrasiya” konfransı oktyabrın 10-da keçirilib, tədbirdə çox sayda xarici qonaq iştirak edib.

 

N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar