Contact Us

SON XƏBƏRLƏR

Tramp Albaniyanın baş nazirinə məktub yazaraq, İran diplomatlarını ölkədən qovduğuna görə ona öz təşəkkürünü bildirib

2021.10.20, 07:36
Tramp Albaniyanın baş nazirinə məktub yazaraq, İran diplomatlarını ölkədən qovduğuna görə ona öz təşəkkürünü bildirib

Gunaz.tv

GünAzTV: ABŞ prezidenti Donald Tramp Albaniyanın baş naziri Edi Ramaya məktub yazaraq, İran səfirini və daha bir iranlı diplomatı ölkədən qovduğuna görə ona öz təşəkkürünü bildirib.

 

Məktubda deyilir ki, ABŞ prezidenti, İran və onun sabitliyə qarşı yönəlmiş fəaliyyəti qarşısında dayanan, eləcə də bütün dünyada müxaliflərin səsini kəsməyə çalışan rəsmi Tehrana qarşı kəskin mövqe nümayiş etdirdiyinə görə, Albaniyanın baş nazirinə öz təşəkkürünü bildirir: “İran diplomatlarının Albaniyadan qovulması bizim İran hakimiyyətinə qarşı birgə mövqe və cəhdimizi nümayiş etdirir. Bunun İrana bir mesajı da var. O da budur ki, onun Avropada və dünyanın digər yerlərində apardığı terrorçu fəaliyyətlərinin nəticəsi heç də ona yaxşı olmayacaq”.

 

Albaniya Xarici İşlər Nazirliyi dekabrın 19-da bəyanat yayaraq İranın bu ölkədəki səfiri Qulamhüseyn Məhəmmədniyanı və adı açıqlanmayan daha bir iranlı diplomatı beynəlxalq diplomatik qaydalara zidd, qanunsuz fəaliyyətlərinə görə ölkədən qovduğu barədə məlumat yayıb.

 

Bəyanatda İran diplomatları “arzuolunmaz şəxslər” adlandırılaraq, beynəlxalq diplomatik qayda və prinsipləri pozmaqda, Albaniyanın təhlükəsizliyinə xətər gətirən bir sıra qanunsuz əməllərlə məşğul olmaqda günahlandırılıblar.

 

Albaniyanın baş naziri Edi Rama

 

A.M

 

Açar Sözlər :

SEÇİLMİŞ XƏBƏRLƏR

Çox oxunanlar