İranda “qır sultanı” ləqəbi ilə tanınan Həmidrza Baqiri Derməni edam edilib

SON XƏBƏRLƏR

İranda “qır sultanı” ləqəbi ilə tanınan Həmidrza Baqiri Derməni edam edilib

2021.10.20, 07:36

Gunaz.tv

GünAzTV: İranda “qır sultanı” ləqəbi ilə tanınan, iqtisadi fəsad və fırıldaqçılıqda günahlandırılaraq ölümə məhkum edilmiş Həmidrza Baqiri Derməni edam edilib.

Tehran məhkəməsi, hökumət qurumlarındakı tanış və tərəfdaşlarının yardımı ilə İran Milli Bankından və digər dövlət banklarından yüz milyardlarla tümən kredit götürən və banklara olan borcunu qaytarmayan Həmidrza Baqiri Dermənini banda şəbəkələri yaratmaqda, ölkənin qır biznesi sektorunu ələ keçirməkdə, fırıldaqçılıq yolu ilə mənimsədiyi pulları xarici ölkələrin banklarına köçürməkdə təqsirli bilərək, yer üzündə fəsadda günahlandırıb.

Bildirilir ki, iqtisadi banda şəbəkələrinin təşkilində müttəhimlə əməkdaşlıq edən qardaşı və daha bir neçə nəfər bundan əvvəl ölkədən qaçdıqlarına görə barələrində cinayət işi açılıb. Qeyd olunur ki, Həmidrza Baqiri Derməni, edamından bir neçə ay əvvəl, onun zindandan çıxarılıb ölkədən qaçmasına şərait yaradılması qarşılığında müəyyən şəxslərə 10 milyard tümən pul təklif etsə də, onun bu planı ifşa edilərək baş tutmayıb.

Müttəhim, dekabrın 22-si sübh saatlarında Tehranda dara çəkilib. Müttəhimə çıxarılan ölüm hökmünün icra edildiyi yer açıqlanmasa da, Onun Tehranın Evin zindanında dara çəkildiyi təxmin edilir.

Xatırladaq ki, bir ay əvvəl, İranda iqtisadi fəsad və fırıldaqçılıqda, ölkə iqtisadiyyatına xələl gətirməkdə günahlandırılan və “Qızıl sikkə sultanı” ləqəbi ilə tanınan Vəhid Məzlumin və həmkarı Məhəmməd İsmayı Qasimi edam edilib. Müttəhimlərin hər ikisi, noyabrın 14-ü sübh saatlarında bir sıra məhkəmə orqanları rəsmilərinin iştirakı ilə Tehranda dara çəkiliblər.

GUNAZ.TV

SON XƏBƏRLƏR