Contact Us

SON XƏBƏRLƏR

Zəncan terminalı “Traxtur” tərəfdarlarına avtobus kirayə verməkdən imtina edib / Urmiyəli “Traxtur” tərəfdarları təhqir olunub!

2021.10.20, 07:36
Zəncan terminalı “Traxtur” tərəfdarlarına avtobus kirayə verməkdən imtina edib / Urmiyəli “Traxtur” tərəfdarları təhqir olunub!

Gunaz.tv

GünAz TV: “Traxtur”un ən prinsipial oyunlarından biri olan “Perspolis”lə görüşü izləmək üçün Güney Azərbaycanın müxtəlif bölgələrindən Təbrizə gəliblər.

 

Lakin “Traxtur” tərəfdarlarının bu səfəri çox çətinliklə baş tutub. Təhlükəsizlik qüvvələri çərşənbə günü səhənd stadionunda keçirilən görüşdə “Traxtur” tərəfdarının sayca az olması üçün müxtəlif yollara əl atıb. Onlar bu məqsədlə Güney Azərbaycanın böyük şəhərlərindən Təbrizə komanda tərəfdarlarını daşıyan avtobusları dayandırıb, sərnişinlərin bir çoxunu yerə endirərək Təbrizə gəlmələrinə mane olublar. İş o yerə çatıb ki, Urmiyədən gələn tərəfdarların bir çoxu avtobusların yük üçün nəzərdə tutulan yerlərində oturaraq özlərini Təbrizə çatdırıblar. Bunu təhqir kimi qəbul edən soydaşlarımız bildirib ki, “Perspolis” hökumət komandası olduğu üçün təhlükəsizlik qüvvələri tərəfindən dəstəklənir.

 

https://www.youtube.com/watch?time_continue=2&v=pQiuAeafEFE

 

Zəncanlı “Traxtur” tərəfdarları isə başqa bir problemlə üzləşib. Görüşə bir neçə gün qalmış terminal müdiri ilə danışaraq bir neçə avtobusu kirayə edən “Traxtur” tərəfdarları görüş günü avtobussuz qalıblar. Zəncan terminalı təhlükəsizlik qüvvələrinin təzyiqi ilə onlara avtobus verməkdən imtina edib.

 

https://www.youtube.com/watch?v=5nzgeY8Dbzo

 

 

“Traxtur” tərəfdarları Miyana şəhərində də oxşar problemlə üzləşib. Təhlükəsizlik qüvvələri avtobusu saxlayaraq sərnişinlərdən şəxsi avtomobilləri ilə Sərəskənd və Tava kəndinin yolu ilə hərəkət etmələrini istəyib. Onlara bildirilib ki, avtobusun şəhərdən çıxmasına heç bir şəkildə icazə verilməyəcək.

 

Bundan əlavə, görüşə bir neçə gün qalmış çox sayda azərbaycanlı fəal və “Traxtur” tərəfdarına zəng edilərək stadiona getməklə bağlı xəbərdarlıq edilib, onlar saxlanmaqla hədələnib.

 

N.S

Açar Sözlər :

SEÇİLMİŞ XƏBƏRLƏR

Çox oxunanlar