Contact Us

SON XƏBƏRLƏR

Tehranda yaşayış xərcləri 5 il ərzində 2 dəfə bahalaşıb

2021.10.20, 07:36
Tehranda yaşayış xərcləri 5 il ərzində 2 dəfə bahalaşıb

Gunaz.tv

GünAz TV: İranın Mərkəzi Statistika Komitəsinin şəhərdə yaşayan ailələrin gəlirləri və xərcləri barəsində yaydığı yeni hesabat göstərir ki, Tehranda illik yaşayış xərclərinin ortalaması 1397-ci ildə (21 mart 2018-21 mart 2019-red.) təqribən 58 milyon tüməndən yuxarı olub.

 

Bu göstərici 5 il əvvəllə müqayisədə 2 dəfədən çox artım deməkdir. Belə ki, 5 il əvvəl (1392-ci il) illik yaşayış xərclərinin ortalaması təqribən 28 milyon tümən təşkil edirdi.

 

Tehran digər vilayətlərə nisbətən gəlirlərin, eləcə də yaşayış xərclərinin ən yüksək olduğu vilayətdir. Kirman isə illik yaşayış xərcləri 24 milyon tümən civarında olmaqla, bütün bölgələr içərisində bu istiqamətdə ən aşağı göstəriciyə sahib vilayətdir.

 

Digər tərəfdən, statistikada qeyd edilir ki, Qərbi Azərbaycan əyalətində ailələrin illik gəlir həddi təqribən 26 milyon təşkil edir. Bu isə bütün bölgələrlə müqayisədə ən aşağı göstəricidir.

 

Komitə həmçinin bildirir ki, şəhərlərdə yaşayan ailələrin 1397-ci ildə xalis xərcləri 39 milyon tüməndən çox, gəlirləri isə təqribən 43 milyon tümən civarında olub.

 

Statistika göstərir ki, son 5 il ərzində ailələrin xərcləri artmaqda, qarşılığında isə gəlirləri azalmaqdadır.

 

Mənzil və kirayə xərcləri, eləcə də ərzaq məhsulları şəhərdə yaşayan ailələrin xərclərinin böyük hissəsini təşkil edir. Son aylar ərzində ev və kirayə qiymətlərinin həddən artıq yüksəlməsi, eləcə də ərzaq məhsullarının qiymətlərinin 2 dəfədən çox bahalaşması, qarşılığında isə əmək haqlarının sabit qalması və ya bəzi hallarda aşağı endirilməsi ailələrin xərclərini artıran əsas amillərdəndir.

 

Ə.A

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar