İranda yüzlərlə etirazçının qətlinə fərman verən Xamneyi, etirazlarda günahsız öldürülənlərin “şəhid” sayılmasına göstəriş verib

SON XƏBƏRLƏR

İranda yüzlərlə etirazçının qətlinə fərman verən Xamneyi, etirazlarda günahsız öldürülənlərin “şəhid” sayılmasına göstəriş verib

2021.10.20, 07:36

Gunaz.tv

GünazTV: İranın “dini” lideri axund Əli Xamneyi dekabrın 4-də Ali Milli Təhlükəsizlik Şurasının rəhbəri Əli Şəmxaninin ölkədə baş verən son etirazlarla bağlı təqdim etdiyi hesabatına münasibət bildirərək, kütləvi etirazlarda rolu olmadan hökumət qüvvələri tərəfindən qətlə yetirilən vətəndaşların “şəhid” sayılmasına göstəriş verib.

Bundan əvvəl etdiyi çıxışlarının birində ölkənin 200-ə yaxış şəhərində küçələrə axışaraq hakimiyyətə qarşı dinc etirazlarını bildirən milyonlarla dinc etirazçını “dələduz” və “xuliqan” adlandıran Xamneyi, başçılıq etdiyi rejimin ölkədə törətdiyi misilsiz qətliamın detalları ifşa edildikdən sonra əvvəlki sərt mövqeyindən qismən geri çəkilib.

Xamneyi, Əli Şəmxaninin son olaylarla bağlı ona təqdim etdiyi hesabatına və irəli sürdüyü bəzi təkliflərinə cavab olaraq deyib ki, ölkədə baş vermiş son etirazlarda heç bir rolu olmadan qətlə yetirilənlər “şəhid” qismində qəbul edilməli, “Şəhid Fondu”nun himayəsi altına alınmalıdır: “Etirazlarda hər hansı bir şəkildə həyatını itirənlərin ailələrinə qan pulu ödənilməli, onların valideynlərinin könlü alınmalıdır.

Həmçinin etirazlarda silahlı olduğuna və ya soyuq silah gəzdirdiklərinə görə qarşıdurmalarda ölənlərin günahı onların ailə üzvlərindən hesabına yazılmamalı, onların valideynlərinin könlü alınmalı, dələduzluqda şübhəli bilindikləri üçün öldürülənlərin ailələri ilə də islami güzəşt qaydasında davranılmalıdır” –deyə, İranın “dini” lideri axund Əli Xamneyi əlavə edib.

Xatırladaq ki, noyabrın 15-dən başlayaraq, İranda hökumətin benzinin qiymətini üç dəfə artırmasına qarşı keçirilən kütləvi etirazlar və səsləndirilən şüarlar qısa zaman içində molla rejiminə qarşı yönəlib. Ölkənin 200-ə yaxın şəhərində keçirilən etirazlarda rejim qüvvələrinin dinc etirazçılara qarşı göstərdiyi misli görünməmiş vəhşilik və qəddarlıq dünya ictimaiyyətini şoka salıb. Belə ki, hökumət, “Sepah”, “Bəsic” və mülki geyimli təhlükəsizlik qüvvələrinin etirazçılara qarşı odlu silahlardan açdığı atəş nəticəsində 500 nəfərdən çox insan qətlə yetirilib, 3700 aksiyaçı güllə yarası alıb, Tehranda və digər şəhərlərdə 7 mindən çox etirazçı polis və mülki geyimli təhlükəsizlik qüvvələri tərəfindən həbs edilib.

Rejim qüvvələrinin odlu silahlardan açdığı atəş nəticəsində qətlə yetirilənlərdən 18-i azyaşlı uşaqlar və yeniyetmələrdir.

Etirazlar zamanı həmçinin ən azı 7 “Sepah” və “Bəsic” muzdlusu, ən azı 3 axund həlak olub, cəhalət, xurafat və fəsad mərkəzi sayılan 15-ə yaxın dini mədrəsə (mollaxana) etirazçılar tərəfindən yandırılıb. Bundan başqa, qəzəbli etirazçılar hakimiyyətə bağlı bir axundu ələ keçirdikdən sonra onun cinsi orqanını kəsib atıblar. Axund xəstəxanaya yerləşdirilib.

Molla rejiminin repressiya maşınını işə salmasına baxmayaraq, ölkədə yaşanan inqilabi vəziyyət və iri şəhərlərdə elan olunmamış fövqəladə vəziyyət rejimi davam edir.

A.M

GUNAZ.TV

SON XƏBƏRLƏR