Contact Us

SON XƏBƏRLƏR

Zərif: “Qasım Süleymaninin öldürülməsinə rəğmən, hələ də Amerika ilə müzakirə qapısı açıqdır”

2021.10.20, 07:36
Zərif: “Qasım Süleymaninin öldürülməsinə rəğmən, hələ də Amerika ilə müzakirə qapısı açıqdır”

Gunaz.tv

GünAz TV: İranın Xarici İşlər naziri Məhəmməd Cavad Zərif “Sepah”ın “Qüds Briqadası”nın komandanı Qasım Süleymaninin öldürülməsinə baxmayaraq, hələ də Amerika Birləşmiş Ştatları ilə müzakirə qapısının açıq olduğunu deyib.

 

O, ABŞ-la birbaşa deyil, yalnız 5+1 formatında danışıqlar aparmağın mümkün olduğunu bildirib.

 

Zərif həmçinin qeyd edib ki, danışıqlara başlamaq üçün rəsmi Vaşinqton sanksiyaları qaldırmalı və İrana dəyən zərər qarşılığında kompensasiya ödəməlidir.

 

“Donald Tramp hələ də ikitərəfli danışıqlar aparmaq xəyalındadır. Müzakirələr aparmağın yegənə yolu onun tərk etdiyi 5+1 formatıdır”,- deyə İran XİN-in rəhbəri Twitterdə yazıb.

 

Zərif həmçinin Almaniyanın “Şpigel” dərgisi ilə də Amerika ilə İran arasında yaşanan son gərginliklərlə bağlı müsahibə verib. O, jurnalistin Qasım Süleymaninin öldürülməsindən sonra ABŞ ilə yenidən müzakirə aparıb-aparmayacaqları barədə ünvanladığı suala cavabında qeyd edib ki, hələ də müzakirə qapısı açıqdır.

 

“Qasım Süleymaninin öldürülməsinə rəğmən, hələ də Amerika ilə müzakirə aparmaq qapısı açıqdır. Mən insanların öz yanaşmalarını dəyişəcəkləri və reallığı qəbul edəcəklərinə inanıram. Bizim üçün Ağ Evdə kimin oturduğu önəmli deyil, onun rəftarları əhəmiyyət daşıyır. Tramp administrasiyası atdığı addımları dəyişə, sanksiyaları qaldıra və müzakirə masasına geri dönə bilər”,- deyə Zərif əlavə edib.

 

Tramp Zərifin fikirlərinə Twitterdə reaksiya verib:

“İranın Xarici İşlər naziri sanksiyaların qaldırılması şərti ilə ABŞ-la müzakirə aparmaq istədiklərini deyib. Yox. Təşəkkürlər”,- deyə Tramp qeyd edib.

 

Zərif isə bildirib ki, Amerika prezidenti onun sözlərini “düzgün dəyərləndirə bilməyib”.

 

Xatırladaq ki, Tramp 2015-ci ildə imzalanmış nüvə razılaşmasını tərk etdikdən sonra İranın raket proqramı və regionda yürütdüyü təxribatçı siyasətlərin də dayandırılmasını ehtiva edən yeni razılaşma əldə etmək istədiklərini bəyan edib.

 

Ə.A

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar