Contact Us

SON XƏBƏRLƏR

Robert Mali Ər-Riyada səfərdə Feysəl Bin Fərhanla İranın terrorçu qruplaşmalara dəstəyini müzakirə edib

2021.10.21, 09:30
Robert Mali Ər-Riyada səfərdə Feysəl Bin Fərhanla İranın terrorçu qruplaşmalara dəstəyini müzakirə edib

Gunaz.tv

Görüşdə İranın nüvə proqramı, Vyanada danışıqları və rəsmi Tehranın regionda terrorçu qruplaşmalara dəstəyi barədə danışıqlar aparıb.

Səudiyyə Ərəbistanının rəsmi xəbər agentliyinin yaydığı məlumata görə, Ər-Riyadda görüşən Mali və Fərhan İranın nüvə proqramı və ondan doğan təhlükələr, Vyanada aparılan nüvə danışıqlarının qeyri-müəyyənliyi, eləcə də İranın körfəz regionunda terrorçu qruplaşmalara və yarımhərbi qüvvələrə dəstəyini müzakirə ediblər.


“Robert Malinin Orta Şərq ölkələrinə səfəri, körfəzdəki ərəb ölkələrinin İranın bölgənin sabitliyini pozan terrorçu qruplaşmalara dəstəyinin qarşısını almaq üçün birgə əməkdaşlığın koordinasiya edilməsi və ortaq addımların atılması məqsədi ilə baş tutub”, -deyə Səudiyyə Ərəbistanının rəsmi xəbər agentliyinin yaydığı məlumatda bildirilir.


Region ölkələrinə səfər edən Robert Mali Ər-Riyada səfərindən əvvəl Qətər rəsmiləri ilə keçirdiyi görüşlərdə İran məsələsini müzakirə etmişdi.


“Röyters” agentliyinin yaydığı məlumata əsasən, Robert Mali  körfəzdəki ərəb ölkələrinə səfərindən sonra oktyabrın 22-də Parisə səfər edərək Böyük Britaniya, Fransa və Almaniyanın yüksək vəzifəli diplomatları ilə görüşlərk İran məsələsini müzakirə edəcək. 


Adlarının açıqlanmasını istəməyən bəzi mənbələrin “Röyters” agentliyinə bildirdiyinə görə, Malinin Parisdə üç Avropa ölkəsinin nümayəndələri ilə keçirəcəyi görüşdə əsasən Vyanada yarımçıq qalmış nüvə danışıqlarının qeyri-müəyyənliyi və İranın nüvə proqramı mövzusunda fikir mübadiləsi aparılacaq.

رابرت مالی برخلاف چهره قبلی که در این مقام بود، چندان تمایلی به اقدامات علنی و خبرساز ندارد

A.M

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar