Milli fəal Vədud Əsədi Rəşt zindanına köçürülüb

SON XƏBƏRLƏR

Milli fəal Vədud Əsədi Rəşt zindanına köçürülüb

2021.11.24, 08:28

Gunaz.tv

Bu barədə milli fəal Vədud Əsədi ailəsi ilə qısa müddətli telefon danışığı zamanı məlumat verib.

Əsədinin yaxınları noyabrın 23-də Rəşt şəhərinin Ümumi və İnqilab Prokurorluğunun 16-cı bölməsinə müraciət etdiklərini bildiriblər.

Qeyd olunub ki, prokuror onlara qarşı kobud davranıb, fəalın girov qarşılığında sərbəst buraxılması müraciətinə mənfi cavab verib.

Bu günə kimi təhlükəsizlik idarəsi, Rəşt şəhərinin prokurorluğu və məhkəməsindən milli fəala qarşı irəli sürülən ittihamlar barədə hər hansı məlumat verilməyib.

Qeyd edək ki, oktyabrın 30-u, axşam saat 19.00 radələrində təhlükəsizlik məmurları Vədud Əsədinin evinə basqın edib və milli fəal həmin gün həbs olunub.

Onun saxlanılması barədə heç bir məhkəmə arayışı təqdim etməyən məmurlar Əsədiyə aid kompüteri və mobil telefonu müsadirə ediblər.

Həmçinin milli fəalın ailə üzvlərinə aid 4 ədəd mobil telefonu özləri ilə aparıblar.

Bundan öncə Vədud Əsədi bir neçə dəfə polis tərəfindən həbs olunub və milli-mədəni fəaliyyətinə görə təhlükəsizlik məmurlarının təhdidlərinə məruz qalıb.

Bununla yanaşı, o, ikinci Qarabağ savaşı zamanı İranın Ermənistana verdiyi dəstəyə etiraz etdiyinə, Azərbaycan Ordusuna dəstək aksiyasında qatıldığına görə 13 gün müddətinə saxlanılmışdı.

Noyabrın 7-də Əsədinin zaminə buraxılması üçün Rəştin Ümumi və İnqilab Məhkəməsi 16-cı bölməsi tərəfindən təyin edilən 170 milyon tümənlik vəsiqənin hazırlanmasına baxmayaraq, təhlükəsizlik idarəsi və məhkəmə sistemi onun zaminə buraxılmasına maneçilik törədir.

C.E

GUNAZ.TV

SON XƏBƏRLƏR