İranlı axunddan sərsəm bəyanat: “Namaz məcburi olmalı, Türkiyəyə səfər qadağan edilməlidir”

SON XƏBƏRLƏR

İranlı axunddan sərsəm bəyanat: “Namaz məcburi olmalı, Türkiyəyə səfər qadağan edilməlidir”

2021.12.10, 12:26

Gunaz.tv

Dekabrın 9-da namaz mərasimləri mövzusu ilə bağlı keçirilən bir toplantıda çıxış edən Əli Müəllimi deyib:

“Düşmən”in ölkə əhalisini, o cümlədən də gəncləri dindən uzaqlaşdırmağa çalıdığını iddia edən axund Ə.Müəllimi deyib ki, "Taliban"çılar Əfqanıstanda hamını zorla namaz qılmağa vadar etdiyi kimi, İranda da Talibansayağı namaz qılmaq hamı üçün məcburi edilməlidir.

“Hesab edirəm ki, məktəblərdə və universitetlərdə məcburi camata namazları təşkil edilməklə Quran nağılları şagirdlərə və tələblərə tədris edilməli, idarələrdə və digər yerlərdı isə namaz qılmaq icbari edilmədir.

Təəssüflər olsun ki, bizim bir sıra məsullarımız və dini xadimlərimiz camaat namazlarının qılınmasının təşkil edilməsində və onun əhəmiyyətinin təbliğində çox zəif tərpəniblər.

Misal üçün əgər hansısa bir idarənin rəisi və ya SEPAH-ın baş komandanı xidmət etdiyi yerdə qollarını çırmalayıb, dəstəmaz alıb gedib namazxanada namazını qılsa, başqaları da onların arxasında sıraya düzülüb namaz qılmağa təşviq olunarlar və öz ilahi borclarını yerinə yetirərlər".

Əli Müəllimi deyib ki, ölkədə ibadətə o qədər də önəm verilmir.

"Bu gün Əfqanıstanda hakimiyyətə gələn "Taliban" namaz qılmağı icbari etdiyi bir halda təssüflər olsun ki, bizdə islam hakimiyyəti olduğuna baxmayaraq, namazın təbliğinə o qədər də önəm verilmir, bu sahədə səhlənkarlığa yol verilir.

Məhz bunları və düşmənin gənclərimizdəki dini əqidə və inamı zəiflətməyə cəhdini nəzərə alaraq, hesab edirəm ki, ölkədə namaz, daha doğrusu namaz qılmaq hamı üçün icbari (məcburi) edilməlidir”, -deyə “Üləma Məclisi”nin üzvü axund Əli Müəllimi bildirib.

Çıxışında ölkə əhalisinin səyahət üçün qonşu Türkiyəyə səfərinə toxunan Əli Müəllimi daha sarsaq və cəfəng bir bəyanat səsləndirib. O, müsəlman ölkəsi olan Türkiyəni və bu ölkənin Antalya şəhərini “fahişəliyə rəvac verməkdə” günahlandırıb.

“Hesab edirəm ki, iranlıların fahişəliyə və ya pis işlərə rəvac verməkdə adları çıxan bəzi ölkələrə, o cümlədən də Türkiyəyə və bu ölkənin Antalya şəhərinə səfərinin qarşısı alınmalıdır.

Güman edirəm ki, əgər ölkə vətəndaşlarının əyyaşlıq məqsədilə Türkiyəyə və Antalya şəhərinə səfərinə qadağa qoyulsa, o zaman ölkədə dolların qiyməti də indiki qədər qalxmaz”, -deyə axund Əli Müəllimi sərsəmləyib.

Qonşu Türkiyəni əxlaqsızlığa rəvac verməkdə günahlandıran axund Müəllimi, əmmaməli həmkarlarının İranın Məşhəd və Qum şəhərlərini "Siğə" və şiəsayağı "Seks-Turizm" mərkəzlərinə çevirməsinin səbəbini açıqlamayıb.

GUNAZ.TV

SON XƏBƏRLƏR