İranın bir neçə şəhərində müəllimlərlə təqaüdçülərin etiraz aksiyaları keçirilib

SON XƏBƏRLƏR

İranın bir neçə şəhərində müəllimlərlə təqaüdçülərin etiraz aksiyaları keçirilib - FOTO

2022.01.25, 12:28

Gunaz.tv

Yayılan məlumata görə, əsasən Şiraz, Ərdəbil, Sənəndəc, Həmədan, Darab və Rəşt şəhərlərində keçirilən dinc aksiyalarda, məişətlərinin ağır olmasından, maaş və aldıqları təqaüdün aşağı olmasından narazı olan müəllimlər və təqaüdçülər əllərində yazılı plakatlar gəzdirərək, hökumətin onların qayğısına biganə yanaşmasına qarşı şüarlar səsləndiriblər.

Aksiyada iştirak edən müəlluimlər və təqaüdçülər həmçinin ölkədə baş alıb gedən bahalıq və inflyasiyaya ucbatından dolanışıqlarının gündən-günə çətinləşdiyini bildirərək maaşlarının və təqaüdlərin səviyyəsinin qaldırılmasını tələb ediblər.

Yayılan məlumata görə, polis və mülki geyimli təhlükəsizlik qüvvələri bəzi şəhərlərdə müəllimlər və təqaüdçülərin dinc etiraz aksiyasını dağıtmağa cəhd göstərsə də, aksiyaçıların etirazı və müqaviməti ilə qarşılanıblar.

Keçirilən aksiyalarda həbslərin aparılıb-aparılmadığı barədə hər hansı bir məlumat yayılmayıb.

Xatırladaq ki, son həftələrdə İranın 100-dən çox şəhərində müəllimlər və təqaüdçülərin müxtəlif etiraz aksiyaları keçirilib, onlarla nəfər həbs edilib.

Müəllimlər və təqaüdçülər tələbləri yerinə yetirilməyincə, dinc etirazlarını bundan sonra da davam etdirəcəklərini bildiriblər.

بازنشستگان بار دیگر در چند شهر ایران تجمع کردند