Contact Us

SON XƏBƏRLƏR

Su qıtlığı yaşayan Xoyda tikilən su bəndinin yarımçıq qalması narazılıq doğurdu

2022.03.04, 06:59
Su qıtlığı yaşayan Xoyda tikilən su bəndinin yarımçıq qalması narazılıq doğurdu

Gunaz.tv

Yağıntıların azalması, yeraltı və yerüstü su qaynaqlarının düzgün idarə edilməməsi Xoy şəhərində içməli su çatışmazlığının yaranmasına səbəb olub.

Bunun bir sıra yerli məsulların əhalinin bölgədən köç edəcəyi ilə bağlı xəbərdarlıqlarına səbəb olmasına baxmayaraq, problemin həlli lə bağlı nəzərdə tutulan layihələrin ləğv edilməsi narazılıq yaradıb.

Xoy və Çaypara şəhərlərinin İran parlamentindəki nümayədəsi Adil Nəcəfzadə yarım rəsmi “Mehr” xəbər agentliyinə verdiyi açıqlamada su çatışmazlığının aradan qaldırılması üçün yeni bəndlərin tikintisinə ehtiyac olduğunu deyib.

“Məsələni yalnız Xoy şəhərinin içməli su problemini həll etməklə aradan qaldırmaq mümkün deyil.

Xoy çaylarının suları hədərə axır və qrunt sularından həddən artıq istifadə olunduğundan Xoy düzündə torpaq çökməsi müşahidə olunur.

Onun aradan qaldırılması, kənd təsərrüfatı və sənaye sularının təmin edilməsi üçün bəndlər, su anbarları tikilməlidir”-deyə, millət vəkili bildirib.

Adil Nəcəfzadənin sözlərinə görə, hazırda dövlət yeni bəndlərin tikintisi üçün büdcə ayırmaq istəmir və buna görə də, Qazan su bəndinin tikintisi ləğv edilib.

Qeyd edək ki, su çatışmazlığı ilə yanaşı yeraltı su qaynaqlarının tükənməsi nəticəsində Xoy düzündə torpaq çökməsi təhlükəli səviyyəyə çatıb.

 Adil Nəcəfzadə Xoy düzündə hər il ortalama 12 santimetr torpaq çökməsinin qeydə alındığını deyib və bunun yaxın gələcəkdə təhlükəli ekoloji problemə çevriləcəyi barədə xəbərdarlıq edib.

“Düzdə baş verən çökmənin bir hissəsi Xoy şəhərinin yerləşdiyi ərazini əhatə edir. Bundan artıq çökmə baş verərsə yeraltı boşluqların aktivləşməsi nəticəsində şəhər ciddi böhran və dağıntılarla üz-üzə qala, yaşayış yerləri məhv ola bilər”-deyə, Nəcəfzadə bildirib.

Bundan bir müddət öncə İranın şimal-qərb bölgəsinin Geologiya və Mineral Kəşfiyyat Təşkilatının başçısı Əbdülhəmid Sərtipi yeraltı suların tükənməsi nəticəsində Xoy, Salmas və Urmu çöllərində torpaq çökməsinin təhlükəli səviyyəyə çatması barədə danışmışdı.

C.E 
 

Açar Sözlər :

SEÇİLMİŞ XƏBƏRLƏR

Çox oxunanlar