İran hökuməti etirazçıları narazıları güllələmək ittihamı ilə həbs edir

SON XƏBƏRLƏR

İran hökuməti etirazçıları narazıları güllələmək ittihamı ilə həbs edir

2022.10.12, 10:22

Gunaz.tv

İranda nümayişçilərə qarşı repressiyaların beynəlxalq etirazlarla üzləşdiyi, təzyiqlərin çoxaldığı bir vaxtda Hüseyn Əştəri öldürülənlərin hökumət məmurları olmadığı barədə iddialar irəli sürüb.

O, nümayişçilərin güllələnərək öldürüldüyünü polis forması geyinmiş əks-inqilabçıların əməli olduğu kimi absurd iddia ilə çıxış edib.

Əştəri etiraz aksiyalarında odlu silahdan istifadə edərək narazıları öldürən bir neçə nəfərin saxlanıldığını, onlara qarşı cinayət işi açıldığını, yaxın vaxtlarda onların etiraflarının yayımlanacağını bildirib.

Polis qüvvələrinin komandiri polis, SEPAH, Bəsic və xüsusi təyinatlı qüvvələrin vətəndaşlara birbaşa atəş açdığını sübut edən yüzlərlə videofaktlara toxunmayıb.

Lakin hökumətin bu işdə əli olmadığını söyləyib.

Hüseyn Əştərinin iddiasının əksini sübut edən, etirazçılara odlu silahdan atəş açan xüsusilə SEPAH və Bəsic qüvvələrinin onlarla üzvünün kimliyi ifşa edilib.

Qeyd edək ki, İnsan haqları Təşkilatının verdiyi son məlumata görə, İranda keçirilən nümayişlərdə hökumət qüvvələrinin odlu silahdan açdığı atəş nəticəsində 185 nəfər ölüb, yüzlərlə etirazçı yaralanıb.

Bundan bir neçə gün öncə İran parlamentinin keçmiş üzvü, əslən güney Azərbaycanın Tarım şəhərindən olan Əli Şəkuri Rad hökumət qüvvələrinin nümayişlərdə törətdikləri təxribatlar barədə açıqlama verib.

O, bildirib ki, hökumət qüvvələri, SEPAH, Bəsic və təhlükəsizlik məmurları mülki formada etirazçıların arasına girir, aksiyanın yönünü dəyişmək üçün başqa şüarlar səsləndirir, ümumi əmlaka ziyan vuru. məscid və quran yandırlar.

Timur

GUNAZ.TV

SON XƏBƏRLƏR