"İran dünya çempionatından kənarlaşdırılmalıdır"-"Deyli Teleqraf"

SON XƏBƏRLƏR

"İran dünya çempionatından kənarlaşdırılmalıdır"-"Deyli Teleqraf"

2022.10.19, 10:45

Gunaz.tv

Britaniya parlamentinin üzvü Kris Brayant adı çəkilən Britaniya qəzeti ilə söhbətində Ukraynaya hərbi müdaxiləni dəstəkləyən ölkələrin idman komandalarını ölkədən çıxarmağa çağırıb.

O, həmçinin bütün dünya idman orqanlarından Ukrayna müharibəsi zamanı Tehran və Rusiya arasında qarşılıqlı əlaqələri diqqətlə izləməyi xahiş edib.

"Diktatura rejimləri idman uğurlarından həzz alırlar. Bu fürsəti onlara verməməliyik”,- deyə, Brayant əlavə edib.

Bundan əvvəl Dünya Futbol Federasiyası (FİFA) Ukraynada baş verən müharibə ilə əlaqədar Rusiya millisinin 2022-ci il dünya çempionatında iştirakını qadağan etmişdi.

Avropa Futbol Federasiyası da ruslara bu qitənin klub yarışlarında və növbəti Avropa Millətlər Kubokunda iştirakını qadağan edib.

Amerika, İngiltərə və Uels milliləri ilə 2022-ci il dünya çempionatının qrup mərhələsində yer alan İran milli futbol komandası noyabrın 21-də ilk oyununda İngiltərə millisi ilə qarşılaşacaq.

Qeyd edək ki, İranın 2022-ci ildə Qətərdə keçiriləcək futbol üzrə dünya çempionatından kənarlaşdırılması üçün FİFA-ya müraciət edilib. Bu barədə "Daily Football" məlumat yayıb.

Məlumata görə, insan haqları qrupu Dünya Futbol Federasiyasına (FİFA) ünvanladığı məktubda qadınlara qarşı rəftar və onların stadionlara buraxılmaması səbəbindən İran millisinin Qətərdə 2022-ci ildə keçiriləcək dünya çempionatından kənarlaşdırılmasını istəyib.

Timur

GUNAZ.TV

SON XƏBƏRLƏR