Ermənistan və havadarları aksiyadan nəticə çıxarmalıdır

SON XƏBƏRLƏR

Ermənistan və havadarları aksiyadan nəticə çıxarmalıdır

2022.12.15, 19:57

Gunaz.tv

Bunu “Tərxis Olunmuş Hərbçilərin Gəncləri Maarifləndirmə” İctimai Birliyinin sədri Emin Həsənli deyib.

O, qeyd edib ki, aksiya iştirakçıları xüsusilə Ermənistanla sərhəddə Laçın istiqamətində ayrıca sərhəd və gömrük nəzarəti postlarının yaradılmasını tələb edirlər: “Hesab edirəm ki, bu, tamamilə haqlı tələbdir. Bəli, bütün dövlət strukturlarının, o cümlədən, Daxili İşlər Nazirliyi, Dövlət Sərhəd Xidməti və Dövlət Gömrük Komitəsinin buraxılış məntəqələri Azərbaycanın suveren torpaqlarında yerləşdirilməlidir. Bu ərazilərə Azərbaycan dövləti, dövlətin müvafiq qurumları nəzarət etməlidir. Çünki Rusiya sülhməramlıları etimadı doğrultmadı”.

E.Həsənli vurğulayıb ki, qısa bir müddətdə erməni bölücüləri və terrorçuları ərazidən çıxıb getməlidir: “Sadə ermənilərə gəlincə, onlar ya Azərbaycan qanunlarını qəbul edib Azərbaycan bayrağı altında yaşamalı, ya da çıxıb buradan getməlidirlər. Onsuz da Azərbaycan dövlətində ərazidə olan ermənilərlə bağlı yetərincə məlumatlar var.

Yəni Azərbaycan dövləti yaxşı bilir ki, 1991-ci ilə kimi orada rəsmi olaraq kimlər yaşayıb.

Onlardan kimlər dünyasını dəyişib, kimlər terrorçulara qoşulub, o cümlədən sonradan ora kimlər gəlib, o gələnlər Azərbaycan dövlətinə qarşı hansı cinayətləri törədiblər və s. Bu gün Ermənistan da, Rusiya da, ümumilikdə bütün dünya da bilir ki, ora Azərbaycan ərazisidir. Elə isə ora Azərbaycnaın QHT təmsilçiləri, media nümayəndələri asanlıqla, heç bir maneə və təhlükə olmadan getməlidir.

Bunun üçün də aksiyaçıların yeni tələblərində deyildiyi kimi, bütün dövlət strukturlarının, o cümlədən, Daxili İşlər Nazirliyi, Dövlət Sərhəd Xidməti və Dövlət Gömrük Komitəsinin buraxılış məntəqələri Azərbaycanın suveren torpaqlarında yerləşdirilməlidir”.

Emin Həsənçli sonda, “Bir sözlə, bu aksiyanı keçirən Azərbaycan vətəndaşları tamamilə haqlıdırlar və qanun çərçivəsində addım atırlar. Biz tələblərimiz yerinə yetirilənə qədər bir addım belə geri çəkilməyəcəyik. Günlərlə, aylarla orada qalmağa hazırıq. Bunu bütün dünya bilsin. Biz dövlətimizin milli maraqları uğrunda mübarizə aparırıq. Ermənistan və havadarları bu aksiyalardan nəticə çıxarmasalar onların vəziyyəti daha da ağır olacaq” deyib.

Ayxan

GUNAZ.TV

SON XƏBƏRLƏR