Vətəndaş rifahının təminatı yeni sosial islahat mərhələsinin əsas təzahürüdür

SON XƏBƏRLƏR

Vətəndaş rifahının təminatı yeni sosial islahat mərhələsinin əsas təzahürüdür

2023.01.06, 12:06

Gunaz.tv

“İnformasiya Təşəbbüslərinə Dəstək” İctimai Birliyinin sədri Cəsarət Hüseynzadə bu barədə AZƏRTAC-a verdiyi müsahibədə deyib.

“İlk növbədə onu qeyd etmək lazımdır ki, sərəncamda göstərilən bu iki komponentin əhatə edəcəyi dairə kifayət qədər böyükdür. Ümumilikdə minimum əməkhaqqı artımı 700 min, əmək pensiyasının minimum məbləğinin artırılması təqribən 100 min şəxsi əhatə edəcək. Sərəncamın həmin hissəsinin əhatə edəcəyi 800 min şəxs kifayət qədər geniş kontingentdir”,- deyə İctimai Birliyin sədri bildirib.

Müsahibimiz daha sonra deyib: “Başqa bir vacib məqam isə ondan ibarədir ki, artımdan sonrakı rəqəmləri bir neçə il bundan əvvəlki rəqəmlərlə müqayisə etsək, müvafiq ödənişlərin iki dəfədən çox artdığının şahidi oluruq. Konkretləşdirsək, minimum əməkhaqqı 2,7 dəfə artırılaraq 130 manatdan 345 manata, minimum pensiya 2,5 dəfə artırılaraq 110 manatdan 280 manata çatdırılıb.

Göründüyü kimi, rəqəmlər arasında da ciddi fərqlər mövcuddur. Sözsüz ki, dövlət başçısının imzaladığı müxtəlif proqram və layihələrə həssas qruplardan olan şəxslərin sosial vəziyyətinin yaxşılaşdırılması əsas prioritet kimi daxil edilir. Verilmiş qərarın başqa mühüm bir məqamı isə ondan ibarətdir ki, mövcud imkan və ehtiyaclar öyrənilməklə sosial müavinətlərin və təqaüdlərin məbləğlərinin artırılması ilə bağlı yeni anons verilir, daha geniş və əhatəli dəstək mexanizmlərin həyata keçirilməsini özündə ehtiva edir.

Müvafiq dövlət qurumlarının ilkin təqdimatından da 2023-cü ildə sosial ödənişlərdə yeni artımlar üçün əlavə 750 milyon manat vəsait nəzərdə tutulması və artımların 1,9 milyon vətəndaşı əhatə etməsi göstərilir. Bu fakt isə məhz əhatəliliyin təmin olunmasını bir daha sübut edir”.

“Postmüharibə dövründə Qarabağda geniş quruculuq işlərinin davam etməsi, mövcud reallıqları nəzərə alaraq Azərbaycan Ordusunun daha da gücləndirilməsi və eyni zamanda, digər sahələr üzrə müxtəlif ehtiyacların olmasına baxmayaraq sosial müavinətlərin, təqaüdlərin, minimum əməkhaqqı məbləğlərinin artırılması Azərbaycanın sosial dövlət modelindən çıxış etdiyini göstərir”,- deyə İctimai Birliyin sədri fikrinə yekun vurub.

Ayxan

GUNAZ.TV

SON XƏBƏRLƏR