Contact Us

SON XƏBƏRLƏR

Volkan Bozkır: BMT-də islahatlara ehtiyac var

2023.03.09, 21:32
Volkan Bozkır: BMT-də islahatlara ehtiyac var

Gunaz.tv

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Qoşulmama Hərəkatı barədə danışıb.

Hikmət Hacıyev qeyd edib ki, Azərbaycan Qoşulmama Hərəkatının sədri kimi Bandunq prinsiplərini, ortaq dəyərləri təşviq edib, fundamental məsələlərlə bağlı konsensusun əldə olunması üçün çalışıb.

Prezidentin köməkçisi qeyd edib ki, Azərbaycan çoxtərəfliliyi təşviq edən Qoşulmama Hərəkatını canlandırmağa çalışır.

BMT Baş Assambleyasının 75-ci Prezidenti Volkan Bozkır BMT-də çatışmazlıqlar olduğunu vurğulayıb və əlavə edib ki, BMT-də islahatlara ehtiyac var: “Türkiyə də düşünür ki, BMT-də islahatlar keçirilməlidir və bu yalnız Türkiyənin görmək istədiyi bir şey deyil. Afrika ölkələri və digərləri də bu islahatları istəyir.

Baş Assambleya yeganə demokratik platformadır ki, burada hər ölkənin səsi var”.

Volkan Bozkır Azərbaycanın Qoşulmama Hərəkatına uğurlu sədrlik etdiyini diqqətə çatdırıb.

Gürcüstan parlamentinin sabiq sədri Nino Burcanadze çıxışında deyib ki, hazırda yalnız region deyil, qlobal ictimaiyyət təhdid və çətinliklərlə üzləşir: “BMT 2008-ci ildə Gürcüstanda münaqişənin qarşısını almaqda effektiv olmadı. Biz effektiv mexanizm tapmalıyıq. Təhlükəsizlik Şurasındakı bəzi ölkələr veto hüququna görə, BMT-nin fəaliyyətini bəzən iflic edir.

Biz realistik nəticələr üçün çalışmalıyıq. Təhlükəsizlik Şurasının 5 üzvündən üçü arasında çəkişmə var”.

Burcanadze qeyd edib ki, bütün bunlarla bərabər, BMT bir çox sahədə effektivdir, ona görə də onun üzərindən bütünlüklə xətt çəkmək olmaz.

Serbiyanın sabiq xarici işlər naziri Vuk Jeremiç çıxışında Ukrayna-Rusiya müharibəsindən danışıb. O deyib ki, mümkün qədər tez zamanda sülh əldə olunmalıdır: “Mən bu müharibəni pisləyir, Rusiyanın Ukraynaya hücum etdiyini qəbul edirəm. Ancaq sülhə nail olmaq lazımdır.

Bu müharibədə yalnız Rusiya və Ukrayna deyil, digər ölkələr də uduzur. Bu müharibə digər ölkələrə də çətinliklər, təhdidlər yaradır”.

Bosniya və Herseqovinanın Rəyasət Heyətinin sabiq üzvü Mladen İvaniç Ukraynadakı müharibə ilə bağlı pessimist olduğunu etiraf edib.

Maltanın sabiq Baş naziri Cozep Muskat deyib ki, güclü liderlik böhranların həllinə kömək edir.

Slovakiyanın sabiq xarici işlər naziri Yan Kubiş paneldə çıxışı zamanı bildirib ki, Aİ qlobal oyunçu olmaq istəyirsə, öz prinsip və dəyərləri üçün ayağa qalxmalı, onu müdafiə etməlidir.  (apa)

Ayxan

Açar Sözlər :

SEÇİLMİŞ XƏBƏRLƏR

Çox oxunanlar