Contact Us

SON XƏBƏRLƏR

Milli Hökumətin müqavimət simvolu: Firudin İbrahiminin anım günüdür

2023.05.22, 15:06
Milli Hökumətin müqavimət simvolu: Firudin İbrahiminin anım günüdür

Gunaz.tv

Qeyd edək ki, 1945-46-cı illərdə Güney Azərbaycan Milli Hökumətinin baş prokuroru işləmiş Firudin Qəni oğlu İbrahimi 1918-ci il noyabrın 21-də Astara şəhərində anadan olub.

Gənc yaşlarından azadlıq hərəkatına qoşulan Firudin İbrahimi 1945-ci ildə Tehranın hüquq fakultəsini bitirdikdən sonra Təbrizə qayıdıb.

Qısa müddət sonra Seyid Cəfər Pişəvərinin başçılığı ilə qurulan Milli Hökumətin baş prokuroru seçilib.

1946-ci ildə Parisdə Sülh konfransında iştirak edən İbrahimi dövrü mətbuatda da çıxış edib.

O, "Ettelaat", "Ajir", "Rəhbər", "Mərdom", "Zəfər", "Siyasət", "Azərbaycan" və sair qəzetlərdə dövrün problemlərini əks etdirən etdirən publisistik məqalələr yazıb. 

1946-ci ildə Milli Hökumət devrildikdən sonra bütün təklif və israrlara baxmayaraq Təbrizi tərk etməyən baş prokuror, işğalçı ordu tərəfindən həbs edilib.

Həbsxana yoldaşları öz xatirələrində gənc baş prokuroru müqavimət simvolu və Azərbaycana bağlı güclü iradəli şəxsiyyət kimi xarakterizə ediblər.

Firudin İbrahiminin dar ağacından asılarkən çıxışı onlarla yazıçının əsərində əks olunub, Azərbaycan xalqının mübarizə tarixində özünə məxsus yer tutub.

"Mənim əzizlərim, həmvətənlərim! Çox çəkməz ki, Azərbaycan xalqı qələbə çalacaq və yenidən Azərbaycanda Milli Hökumət qurulacaq. Yaşasın Azərbaycan! Yaşasın doğma vətənimiz Azərbaycan!"

1946-cı ilin 22 mayında Təbrizin Gülüstan bağında edam edilən Firudin İbrahimi Təbrizin "İmamiyyə" qəbristanlığında torpağa tapışırılıb.

Hər il mayın 22-də azərbaycanlılar onun məzarını ziyarət edir, xatirəsini əziz tuturlar.

Timur 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar