"Etirazlardan sonra İranda qadınlara ayrı-seçkilik güclənib"-BMT-nin Ali komissarı

SON XƏBƏRLƏR

"Etirazlardan sonra İranda qadınlara ayrı-seçkilik güclənib"-BMT-nin Ali komissarı

2023.05.25, 14:55

Gunaz.tv

O, komissarlığın İranda insan haqlarının vəziyyəti ilə bağlı yeni hesabatına əsasən belə bəyanat verib.

Ali komissar molla rejimindən qadınların hüquqlarının təmin olunmasını və məcburi hicab qaydalarının ləğvini tələb edib.
“İranda küçə etirazları səngiyib, lakin qadınların geyindiyi və ya geyinmədiyi şeylərə görə təqibləri həqiqətən də güclənib.

İranlı qadın və qızlar ayrı-seçkilik yaradan hicab qanunlarının tətbiqinə görə sərt hüquqi, sosial və iqtisadi tədbirlərlə üzləşirlər.

İran hökumətindən tələb edirəm ki, iranlıların islahat tələblərinə diqqət yetirsin və bu məsələyə məcburi hicab qaydalarını ləğv etməklə başlasın”, – Volker Türk deyib.

24 müstəqil qadın təşkilatı İranda “hökumət cinayətləri” ilə mübarizə üçün birgə səylərə başladığını elan edib.

“İsfahan evi” işi üzrə üç etirazçının edamını pisləyən bu təşkilatlar yaydıqları birgə bəyanatda “etiraz aksiyaları” təşkil etməklə, beynəlxalq insan haqları forumlarından, beynəlxalq qadın təşkilatlarından dəstək almaqla “hakimiyyətin qətlləri”nə qarşı çıxacaqlarını bildiriblər.

“Qadın, Həyat, Azadlıq Hərəkatının Məcid Kazımi, Səid Yaqubi və Saleh Mirhaşmi adlı üç etirazçısının edam edilməsi Edam Respublikasının cinayətlərinin qeydinə daha bir səhifə əlavə etdi.

İranda mövcud rejim hakimiyyətə gəldiyi ilk gündən edam hökmündən öz zülmkar və qadın düşmənçiliyi sistemini sabitləşdirmək üçün bir alət kimi istifadə edib.

İndi qadın inqilabının bizə azadlıq və azadlıq həyatı vəd etdiyi bir şəraitdə inqilabi üsyan iştirakçılarının edam edilməsi və terror yaratmaq imkanları artmışdır”, - bəyanatda belə deyilir.

Ayxan

GUNAZ.TV

SON XƏBƏRLƏR