İranın nüfuzlu din xadimi bəhailərə təzyiqləri pislədi: "Onlara kafir deməyin"

SON XƏBƏRLƏR

İranın nüfuzlu din xadimi bəhailərə təzyiqləri pislədi: "Onlara kafir deməyin"

2023.06.16, 16:40

Zahidan şəhəri sünni icmasının imam cüməsi Moləvi Əbdül Həmid etirazlarda ölənlərin yas mərasimlərinin dağıdılmasını pisləyib.

Gunaz.tv

“Eşitdiyimə görə əhali öldürülmüş ailə üzvlərinin ziyarəti üçün qəbristanlığa getdikdə çevik polis qüvvələri onlara müdaxilə edir"-deyə, o, iyunun 16-da etdiyi cümə xütbəsində deyib.

“Doğmalarını itirmiş insanlar qəbir üstündə nəsə deyirsə, ona dözməlisiniz. Hakimiyyətin başında dayananlar məsələyə geniş yanaşmalı, hətta söyüşlərə dözməlidir. Tənqidi dinləyə və söyüşə dözə bilməsəniz hakimiyyətiniz davam etməz”-imam belə deyib.

Moləvi Əbdül Həmid bəhailərə qarşı təzyiqlər pisləyib:

“Məni düşündürən məsələlərdən biri də bəhailərin qəbristanlığı və cənazələrini basdırma problemidir. Bahailər şikayət edirlər ki, bizim ailə üzülərimizin cənazələrini bizə vermirlər və yaxud onları öz qəbristanlığımızda basdırmağa qoymurlar.

Bunlar insandır, İran vətəndaşlarıdır, onların vətəndaşlıq hüquqları pozulmamalıdır. Bahailərin cənazələrini ailələrinə təhvil verməyənlərin qarşısını alın.

Eşitdiyimə görə bir neçə bahai qadın edam olunub və cənazələri ailələrinə təhvil verilməyib, hokumət onları özü basdırıb. Bunlar nə işdir görürsüz?"

Moləvi Əbdül Həmid bildirib ki, bu cür davranışlar ifrata varmaqdır.

"İranlıların hamısının hüququna hörmət etməliyik. Bahailəri kafir adlandırmayın, onların vətəndaşlıq hüquqları var.

Bəzi müsəlman ölkələrində qadınlara gərəkən diqqət göstərilməyib və onlara bir sıra yersiz təzyiqlər olunur.

Onlar insan cəmiyyətinin yarısını təşkil edir, səlahiyyət və ləyaqətləri var. Onların harayı itirdikləri ləyaqətlərinin bərpası üçündür. Qadınlar öz haqlarına çatmayanadək onları susdura bilməyəcəksiz.

Rəsmilərin çoxu belə düşünür ki, qadınlar ancaq uşaq saxlamalı, ev və mətbəx işləri görməlidir.

Qadınların ləyaqəti bundan daha artıqdır, onlar iri və önəmli məsələlərdə təsirə malikdirlər ”-deyə Moləvi Əbdül Həmid bildirib.

Taymaz

GUNAZ.TV

SON XƏBƏRLƏR