İran separatçıları PUA-larla təmin etmək istəyir

SON XƏBƏRLƏR

İran separatçıları PUA-larla təmin etmək istəyir

2023.06.28, 12:00

İran on illərdir Qərbi Səhra bölgəsini Mərakeşdən ayırmaq üçün döyüşən "Polisario Cəbhəsi" adlı silahlı birliyə PUA vermək istəyir.

Gunaz.tv

Molla rejiminin məqsədi Seneqal, Mərkəzi Afrika və Niceriya kimi ölkələrdə üsyançı şiə qruplarını silahlandırmaq və təlimlərlə öz nüfuzunu Orta Şərqdən Afrikaya genişləndirməkdir.

Qeyd edək ki, "Polisario Cəbhəsi"ni Mərakeşin bölgədə rəqibi Əlcəzair davamlı şəkildə himayə edir.

“Defence Post” internet səhifəsi Afrikanın Böyük Səhrasında İranın “dağıdıcı” rolunu araşdırıb və Tehranın bu hərəkətlərinin daha böyük geopolitik nətcələri ola biləcəyini bildirib.

Belə ki, İran Marakeşin rəsmi və qeyri-rəsmi müxalifətini himayə etməklə Qərbin çox sərt müttəfiqi Mərakeşi zəiflətmək niyyətindədir.

İran müddətlər öncə Əlcəzairə PUA satdığını etiraf edib. Mərakeşin BMT-də daimi elçisi Ömər Həlalə Əlcəzair tərəfindən "Polisario Cəbhəsi"nə PUA ötürülə biləcəyi barədə dəfələrlə xəbərdarlıq edib.

“Defence Post” habelə bildirib ki, “İranın dağıdıcı rolu” Mərakeşə qarşı şiə azlığını radikallaşdırmağa hesablanıb. İranın məqsədi onlardan bu qruplaşmaya üzvlər götürmək bununla ölkənin dörd bir yanına təsir etməkdir.

Özünü Polisario bölgəsinin daxili işlər naziri adlandırmış Ömər Mansur ötən il deyib ki, cəbhə İrandan PUA-lar alıb Mərakeşin təhlükəsizlik qüvvələrinə qarşı istifadə etmək niyyətindədir.

Mərakeşin yüksək rəsmiləri bildirib ki, İran Livan “Hizbullah"ı vasitəsi ilə Əlcəzairdə yerləşən “Tənduf” qaçqınlar düşərgəində Polisario Cəbhəsinə hərbi təlimlər keçirir.

"İranın bu hərəkəti ölkənin maraqlarına ziddir"-Mərakeş rəsmiləri bildirib.

Taymaz

GUNAZ.TV

SON XƏBƏRLƏR