"Ağ yalandır"- Sünni imamın ofisi İran mediasını ifşa etdi

SON XƏBƏRLƏR

"Ağ yalandır"- Sünni imamın ofisi İran mediasını ifşa etdi

2023.06.29, 14:56

"Məkki məscidində Moləvi Əbdülhəmidə qarşı terror təşəbbüsü üzrə yaxalanmış şəxsdən işgəncə ilə etiraf alınması barədə hökumətin iddiası ağ yalandır". Bu barədə Zahidan şəhərində sünni icmasının lideri Moləvi Əbdülhəmidin Ofisi açıqlama yayıb.

Gunaz.tv

Qeyd edək ki, Sistan və Bəluçistan əyalətinin xəbər portalı "Haalvsh" SEPAH-ın göstərişi ilə Moləvi Əbdülhəmidi zəhərləyərək öldürməyə göndərilmiş şəxsın iyunun 18-də yaxalandığını bildirmişdi.

Xatırladaq ki, Moləvi Əbdülhəmid İran hökumətini məcburi hicab, siyasi müxalifətə basqı, edamlar, həbslər və sair insan hüquqlarının hökumət tərəfindən pozulmasına etiraz edən nüfulzu sünni ruhanidir.

Bu tənqidlər üzündən İran hakimiyyəti ona qarşı qəzəblidir.

Ona görə də hökumət mediası Moləviyə qarşı təbliğata başlayıb.

Rəsmi media yaxalanmış şəxsdən Zahidanın Məkki məscidində işgəncəilə məcburi etiraflar alındığını iddia edib. Onun etiraf videoları da yayılıb.

Moləvi Əbdülhəmidin Ofisi bu iddiaların ağ yalan olduğunu bildirib.

Ofis bunun Moləvi Əbdülhəmidi susdurmağa planlaşdırılmış ssenari olduğunu deyib.

"İranın təhlükəsizlik məmurları ictimaiyyəti öz mediası vasitəsi ilə çaşdırmaq üçün bizim işkəncə ilə etiraf aldığımızı iddia edir.

İşgəncə ilə etiraf almaq bizim məsləyimizdə yoxdur. Hökumət mediasında həmin şəxsin bizə qarşı diktə olunmuş etirafları ağ yalandır.

Rəsmi medianın başladığı genişmiqyaslı təbliğat bizə qarşı yönəlib.

SEPAH tərəfindən Moləvini zəhərləməyə göndərilmiş şəxsin ifadələri görüntülü qeydə alınıb"-Moləvi Əbdülhəmidin Ofisinin yaydığı bəyanatda belə deyilir.

Taymaz

GUNAZ.TV

SON XƏBƏRLƏR