Contact Us

SON XƏBƏRLƏR

Ərdoğan: "Zəlzələnin Türkiyəyə vurduğu maddi zərər 104 milyard dollara çatıb"

2023.07.03, 22:18
Ərdoğan: "Zəlzələnin Türkiyəyə vurduğu maddi zərər 104 milyard dollara çatıb"

"Bu il zəlzələnin Türkiyəyə vurduğu maddi zərərin həcmi 104 milyard dollara çatıb". Bunu Türkiyə Prezidenti Rəcəb Tayyib Ərdoğan deyib.

Gunaz.tv

"Zəlzələdən sağ çıxanlarımızı heç kimdən asılı vəziyyətə salmayacağıq. Bu Qurban bayramı günlərində zəlzələ qurbanlarımızı, qardaşlarımızı diqqətdən kənarda qoymadıq. Bayramda çoxlu dostlarımız zəlzələ zonasında idi.

Onlara tək olmadıqlarını hiss etdirdik. 11 əyalətimizin hamısında dirçəliş və quruculuq işləri davam edir. TOKİ-miz bölgənin inkişafında aparıcı rol oynayır. Biz itirilmiş ruhlarımızı geri qaytara bilmərik, lakin maddi itkilərimizi kompensasiya etmək üçün imkanımız və gücümüz var.

Ümid edirik ki, zəlzələ bölgəsində evi dağılan bir çox vətəndaş növbəti bayramı öz evlərində qarşılayacaq. Oktyabr-noyabr aylarından zəlzələ evlərinin təhvil verilməsinə başlayacağıq. Şəhərlərimizi əvvəlkindən daha təhlükəsiz edənə qədər durmadan çalışacağıq.

Əsas gündəliyimiz zəlzələ zonasıdır", - Ərdoğan vurğulayıb.

Qeyd edək ki, fevralın 6-da Türkiyədə 7,7 maqnitudalı zəlzələ olub. Dağıdıcı zəlzələ Türkiyənin 10 vilayətində 13,5 milyon insana təsir göstərib.

Türkiyə Prezidenti Rəcəb Tayyib Ərdoğan ölənlərin xatirəsini anmaq üçün ölkədə 7 günlük matəm elan edib.

Bundan başqa, ölkənin zəlzələ baş verən 10 əyalətində 3 aylıq fövqəladə vəziyyət elan olunub. (report)

Ayxan

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar