Contact Us

SON XƏBƏRLƏR

Avropa ölkələri İranla bağlı BMT sanksiyalarının uzadılmasını tələb ediblər

2023.07.07, 13:56
Avropa ölkələri İranla bağlı BMT sanksiyalarının uzadılmasını tələb ediblər

İranın nüvə sazişinin üzvü olan üç Avropa ölkəsi iyulun 6-da birgə bəyanat yayıb. Sənəddə Tehran BMT Təhlükəsizlik Şurasının 2231 saylı qətnaməsini pozmaqda ittiham edilir və oktyabrda başa çatacaq raket sanksiyalarının uzadılması tələb olunur.

Gunaz.tv

Bəyanat Birləşmiş Millətlər Təşkilatının Təhlükəsizlik Şurasının nüvə sazişi və İranın raket proqramının icrasının nəzərdən keçirilməsinə həsr olunmuş iclasından sonra dərc edilib.

Sənəddə qeyd olunub ki, İranın nüvə fəaliyyəti təhlükəli səviyyəyə çatıb və beynəlxalq sülh və təhlükəsizliklə bağlı böyük narahatlıq doğuran məsələdən birinə çevrilib.

Britaniya, Fransa və Almaniya İranın nüvə öhdəliklərini pozması ilə bağlı siyahını dərc edərək bildiriblər ki, Tehranın zənginləşdirilmiş uran ehtiyatı nüvə sazişində proqnozlaşdırılan səviyyədən 21 dəfə çoxdur.

Adı çəkilən üç Avropa ölkəsi öz bəyanatlarında iyulun 6-da BMT Təhlükəsizlik Şurası da İranın raket proqramı və İranın raket və pilotsuz təyyarələrinin müxtəlif ölkə və qruplara təhvil verilməsini müzakirə etdiyini bildiriblər.

Britaniya, Fransa və Almaniya İranın bu hərəkətini qeyri-sabitlik amili kimi qiymətləndirib.

Vurğulayıblar ki, ilk növbədə İranın nüvə başlığı daşıya bilən ballistik raketlərin istehsalı və performansını təkmilləşdirmək üzrə hərəkəti Təhlükəsizlik Şurasının 2231 saylı qətnaməsinin qəti şəkildə pozulmasıdır. 

Bununla yanaşı onlar İranın müxtəlif ölkələrdə qanunsuz silahlı qruplaşmalara silah tədarük etdiyini qeyd edib və bunun bütün bölgə və dünyanı təhlükəyə atdığını deyiblər.

Üç Avropa ölkəsi həmçinin ötən ilin yayından bəri İranın Rusiyaya yüzlərlə pilotsuz uçan aparatın təhvil veriməsinə işarə edərək bildiriblər ki, bu dronlardan Ukraynanın şəhərlərinə və mülki infrastrukturuna hücumda istifadə edildiyi üçün Tehran hökuməti Ukraynada meydana gələn xəsarət və insan itkilərinə görə Rusiya ilə əlbir sayılır.

Britaniya, Fransa və Almaniya daha sonra bu ilin oktyabr ayında İranın ballistik raket istehsalı və raket ixracı sahəsindəki proqramına qarşı BMT-nin sanksiyalarının sona çatacağına toxunaraq, bu sanksiyaları uzatmaq və tam şəkildə həyata keçirmək istədiklərini bildiriblər.

Timur

Açar Sözlər :

SEÇİLMİŞ XƏBƏRLƏR

Çox oxunanlar