Contact Us

SON XƏBƏRLƏR

Xudafərində Ermənistana etiraz edən güneylilərin məhkəməsi olub

2023.07.15, 14:04
Xudafərində Ermənistana etiraz edən güneylilərin məhkəməsi olub

Xudafərin körpüsü yaxınlığında Ermənistanın Araz çayını çirkləndirməsinə və Ermənistanın inşa etməkdə olduğu metallurgiya zavodunun törədə biləcəyi ekoloji fəlakətə etiraz etdikləri üçün iyulun 7-də İran sərhədçiləri tərəfindən həbs edilən milli fəalların məhkəməsi olub.

Gunaz.tv

Bu gün iyulun 15-də Xudafərin şəhərinin prokurorluğunun 1-ci bölməsində Mustafa Əvəzpur, Rəhim Sasani, Məhəmməd Mərdi, Məhəmməd Əlipur, Sədullah Sasani və Cəfər Noruzinin məhkəmə iclaslarının keçirilib.

Fəalları barədə "hökumətə qarşı təbliğat" ittihamının irəli sürülüb və barələrində çıxarılan qərarın yaxın günlərdə elan ediləcəyi bildirilib.

Adı çəkilən fəallar iyulun 7-də həbs edilən fəallar 28 saat dindirildikdən və döyüldükdən sonra girov qarşılığınfa müvəqqəti olaraq məhkəməyə qədər sərbəst buraxılblar.

Xatırladaq ki, Ermənistanın Metsamur Atom Elektrik Stansiyasının zəhərli tullantılarının Araz çayına axıdılması inəticəsində Güney Azərbaycan bölgələrində kənd təsərrüfatı sahəsinə ağır xəsarətlər dəyib, bölgədə xərçəng xəstəliyi geniş yayılıb.

Bununla yanaşı Ermənistan tərəfindən Arazdəyəndə tikiləcək metallurgiya zavodunun həm insanlara, həm də planetimizə potensial zərərli təsirləri və baş verə biləcək ekoloji fəlakət bölgə insanlarını, o cümlədən güney azərbaycanlı ekoloq və milli fəalları narahat edir.

Timur 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar