İran-Rusiya münasibətlərində gərginlik- Parlament sədri Rusiyaya xəbərdarlıq etdi

SON XƏBƏRLƏR

İran-Rusiya münasibətlərində gərginlik- Parlament sədri Rusiyaya xəbərdarlıq etdi

2023.07.16, 14:46

İran parlamentinin başçısı Məhəmməd Baqir Qalibaf Rusiyaya qarşı bəyanat səsləndirib və bu ölkənin İranın ərazi bütövlüyü ilə bağlı mövqeyinə görə Moskvaya xəbərdarlıq edib.

Gunaz.tv

O, bu gün iyulun 16-da parlamentin iclasında daışıb.

"İranın ərazi bütövlüyü gənclərin qanı ilə qorunub saxlanılıb və biz bu məsələdə heç bir tərəflə güzəştə getməyəcəyik. İran qonşularına, o cümlədən Rusiyaya xəbərdarlıq edir ki, regionun iqtisadi inkişafı yalnız ərazi bütövlüyüzə hörmət əsasında səmərəli ola bilər",- Qalibaf bildirib.

Parlament başısı Rusiyanı NATO və Qərbin İran körfəzində geopolitik planlarına və sabitliyi pozmaq cəhdlərinə qulluq etməkdə günahlandırıb.

Qalibafın çıxışı, İranın bir qrup keçmiş səfir və diplomatlarının Rusiyanın İran Körfəzində 3 adaya malikiyyətlə bağlı Rusiyanın BƏƏ-ni dəstəkləməsini pisləyən bəyanatı ilə eyni vaxta təsadüf edir.

Bundan sonra Rusiyanın Tehrandakı səfiri Aleksey Dedov iyulun 12-də İran Xarici İşlər Nazirliyinə (XİN) çağırılıb.

Qeyd edək ki, iyulun 10-da Körfəz Əməkdaşlıq Şurasının 6-cı strateji toplantısının bəyanatında Körfəzdə yerləşən Kiçik Tunb, Böyük Tunb və Əbu Musa adalarının BƏƏ-yə məxsus olduğu bildirilib. Bununla bağlı İranla ikili danışıqların aparılması, yaxud beynəlxalq qanunlara və BMT-nin nizamnaməsinə əsasən Beynəlxalq Ədalət Məhkəməsi vasitəsi ilə münaqişənin həll olunması dəstəklənib. Tehran rejimi isə bu bəyanatı rədd edərək, 3 adanın İranın ayrılmaz əraziləri olduğunu iddia edib.

Timur

GUNAZ.TV

SON XƏBƏRLƏR