Amerikanın dəniz qüvvələrinin 2 hərbçisi Çinə casusluq ittihamı ilə saxlanılıb

SON XƏBƏRLƏR

Amerikanın dəniz qüvvələrinin 2 hərbçisi Çinə casusluq ittihamı ilə saxlanılıb

2023.08.04, 13:10

“Bu şəxslərin casusluq hərəkətlərinə görə çox önəmli hərbi informasiyalar Çin Xalq Respublikasına çatdırılıb.” Bunu Amerikanın baş prokurorunun köməkçisi Mət Vilson deyib.

Gunaz.tv

Məlumata əsasən, 26 yaşlı Ven Henq Jao 15 min dollar qarşılığında Amerika ordusunun çox önəmli informasiya şəkilləri və videolarını Çinə ötürüb.

Belə ki, Amerika ordusunun Hind və Sakit Okean bölgəsində hərbi məşqlərini, həmçinin, Yaponyanın Okinava adasında Amerikanın hərbi bazasının radar sisteminin xəritələrini, habelə Foerteventura adası və Losanclesə yaxın San Klemente adasında hərbi təsisatların təhlükəsizlik informasiyalarını Çinin vasitəçi məmuruna ötürüb.

Həmçinin, 22 yaşı Cin Çao Vi on minlərlə dollar qarşılığında Amerikanın milli müdafiəsi barədə informasiyaları Çinin istifadəsinə verib. O, USS Essex döyüş gəmisi, eləcə də digər döyüş gəmiləri və onlarda mövcud silahlar barədə çoxlu sayda texniki təlimat kitabçasını Çinin istifadəsinə ötürüb.

FBI-ın xüsusi məmuru Steysi Moy bu barədə deyib: “Çin on illərdir ki, Amerika üçün ən böyük təhlükəyə çevrilib. Pekin dünyanın bircə süper gücünə çevrilə bilməsi üçün Amerikaya qarşı casusluq həmlələrinə son qoymur.”

Taymaz

GUNAZ.TV

SON XƏBƏRLƏR