Xarici media "Traxtur" "Perspolis" oyununda Urmu gölü şüarlarından yazdı

SON XƏBƏRLƏR

Xarici media "Traxtur" "Perspolis" oyununda Urmu gölü şüarlarından yazdı

2023.08.18, 11:49

Bir sıra xarici media orqanları Avqustun 16-da Azərbaycanın "Traxtur" və Tehranın "Perspolis" komandaları arasında keçirilən oyun və səsləndirilən şüarlar barədə yazılar dərc edib.

Gunaz.tv

Məlumatlarda Asiya Futbol Federasiyasının tələblərinə baxmayaraq, qadınların oyunu izləmək üçün stadiona girişinə icazə verilmədiyi də qeyd edilib.

Bununla yanaşı, bildirilib ki, qarşılaşmanı 70 mindən çox azərbaycanlı "Traxtur" tərəfdarı izləyib.

"Səhənd stadionuna toplaşan on minlərlə azərbaycanlı Urmu gölünün qurudulması ilə bağlı plakatlar qaldırıb, şüarlar səsləndiriblər. Şüarlar eşidilməsin deyə, dövlət televizyasının canlı yayınmda bir neçə dəfə səsi kəsib",- Azad Avropa Radiosunun fars bölümü yazıb.

Qeyd edək ki, Təbrizlə Tehran komandalarının qarşılaşmasında Güney Azərbaycanın və İranın müxtəlif şəhərlərindən Səhənd stadionuna toplaşan azərbaycanlı tərəfdarlar Urmu gölü və milli haqlarla bağlı şüarlar səsləndiriblər.

Səhənd stadionunun içərisində və çölündə toplaşan azərbaycanlılar "Azadlıq, Ədalət, Milli hökumət!", "Urmu gölü can verir, məclis onun qətlinə fərman verir!", "Türk qardaşım, dur səs ver, Urmu gölünə nəfəs ver!", "Türk dilində mədrəsə, olmalıdır hər kəsə!" və başqa bu kimi şüarlar səsləndiriblər.

Timur

GUNAZ.TV

SON XƏBƏRLƏR