Milli fəallar bəzi təşkilatların anti-milli hərəkətlərini pisləyən bəyanat yaydılar

SON XƏBƏRLƏR

Milli fəallar bəzi təşkilatların anti-milli hərəkətlərini pisləyən bəyanat yaydılar

2023.09.02, 14:34

Güney Azərbaycan milli hərəkatının yüzlərlə fəalı xaricdə fəaliyyət göstərən bir sıra təşkilatların ziddi-milli fəaliyyətlərini pisləyən bəyanat yayıblar.

Gunaz.tv

Abbas Lisani başda olmaqla bəyanatı 360 milli-mədəni fəal, o cümlədən Əkbər Azad, Əlirza Fərşi, Siyamək Mirzayi, Tohid Əmirəmini, Behnam Şeyxi, Pərviz Siyabi Gürcani, Şahin Bərzgər, Sima Əlipur, Əli Xeyrcu, Əli Vasiqi və b imzalayıb.

Bəyanatı imzalayanlar arasında çox sayda tanınmış milli fəal, yazıçı, ziyalı, vəkil və keçmiş siyasi məhbusun adı var.

Bəyanatda uzun illər mübarizədən sonra nailiyyətlər qazanan Güney Azərbaycan Milli Azadlıq Hərəkatının qarşısının alınması üçün Tehran rejiminin təhlükəsizlik orqanlarının müxtəlif yollara əl atdığı bildirilib.

Qeyd olunub ki, milli hərəkata sızmış bir sıra mənfəətçi, fürsətçi, şöhrət tələb şəxslər İran təhlükəsizlik orqanlarının planlarının həyata keçirilməsində müxtəlif formalarda rol oynayırlar.

"Xaricə göndərilən və ya xaricdə işə cəlb olunan hərəkata sızmış bəzi şəxslər Güney Azərbaycanın psevdotəşkilatları şəklində meydana çıxırlar. Onlar Azərbaycan milli hərəkatına sırımaqla kifayətlənməyib özlərini Azərbaycan milli hərəkatının öncülləri və qərarvericiləri kimi göstərirlər",- bəyanatda deyilib.

Bəyanat müəllifləri psevdo təşkilatların, o cümlədən AZOH, Dirəniş, GADP (Güney Azərbaycan Demokrat Partiyası) və AMP-nin (Azərbaycan Mərkəz Partiyası) Azərbaycan tarixi torpaqlarına ərazi iddiasında olan kürd silahlı qruplaşmaları, İran Xalq mücahidləri Təşkilatı və şahçılarla əlaqəli hərəkətlərinin Güney Azərbaycan milli azadlıq hərəkatına vurduqları ziyanları sadalayıblar.

Xüsusən son vaxtıar Urmu gölündə baş verən ekoloji fəlakətlə bağlı xaricdə olan dörd psevdo təşkilatın aksiyalara çağırışlarına toxunulub.

Bunun, daxildəki şərayitin, milli hərəkatın vəziyyətinin və mənafeinin, fəalların təhlükəsizliyinin nəzərə alınmadan edildiyi və zərərli olduğu vurğulanıb.

Bəyanatda milli hərəkat fəallarına çağırış edilib:

"Fars şovinizminin mürəkkəb siyasi oyunları və onların daxildə, xaricdəki hərəkata sızmış ünsürlərinin əməlləri nəticəsində, müxtəlif oyunlarla geniş və kütləvi nümayişlərin keçirilməsinə maneələr törədilir. Azərbaycan milli hərəkatının həqiqi fəallarının daha diqqətli olmaları və bu mürəkkəb siyasətin qarşısını almaq üçün fürsətçi qruplardan, təşkilatlardan uzaq durmaları lazımdır",- fəallara xitabən müraciət olunub.

Bəyanatın sonunda bütün səmimi və inamlı milli fəallardan bu sayaq hərəkətlərə qarşı laqeyd qalmamaları, bu çirkin siyasət və planların ifşa edilməsi üçün birmənali mövqe nümayiş etdirmələri istənilib.

GünazTV

GUNAZ.TV

SON XƏBƏRLƏR