Təbrizin Ticarət Palatasında Azərbaycan Respublikası üzrə Ticarət Masası yaradılıb

SON XƏBƏRLƏR

Təbrizin Ticarət Palatasında Azərbaycan Respublikası üzrə Ticarət Masası yaradılıb

2023.09.13, 14:58

Azərbaycan Respublikası üzrə Ticarət Masası İranın dövlət və özəl sektor təmsilçilərinin iştirakı ilə Təbrizin Ticarət Palatasında yaradılıb.

Gunaz.tv

Məqsəd Azərbaycan Respublikası ilə ticarət sahəsində problemləri öyrənmək və mübadilələrin artırılması olduğu bildirilib.

Qeyd edək ki, ticarət masası anlayışı bir ölkənin tacirlərinin ticarət tərəfi olan ölkə barədə dəyirmi masa keçirməklə probleləri müzakirə edib çıxış yolu tapmaq anlamındadır.

Təbrizin Ticarət Palatasının beynəlxalq əlaqələr müdiri Şahbazi bundan əvvəl Rusiya Federasiyası, Qazaxıstan və Gürcüstan üzrə ticarət masası yaradıldığını bildirib.

“Azərbaycan Respublikası üzrə Ticarət Masası sayca 4-cü olaraq yaradılmasından məqsəd bu ölkə ilə ticarət problemlərini öyrənib qaldırmaqdır. Azərbaycan masasına üzv tacirlər bu barədə təkliflərini yazılı olaraq katibliyə elan edə bilərlər.”-deyə Şahbazı açıqlayıb.

Palatanın İxrac və İdxalatın İdarəçiliyi Komissiyasının sədri Seyid Hüseyn Yusifi Azərbaycan Respublikası ilə ticarət üzrə önəmli bir problemə toxunub.

“Azərbaycan Respublikası ilə ticarət üzrə məsələlərdən biri Astara Gömrüyündə mövcud problemlərdir. Xudafərin sərhəddində gömrük məntəqəsi yaradılıb açılarsa əyalətlə (Şərqi Azərbaycan) Azəerbaycan Respublikası arasında ticarət mübadilələri sürətlənər və asanlaşar.” -deyə Hüseyni qeyd edib.

Vurğulayaq ki, Astara Gömrüyü inzibati ərazi baxımdan Gilan Əyalətində, Xudafərin isə Güney Azərbaycanın Şərqi Azərbaycan Əyalətində yerləşir.

Xatırladaq ki, Güney Azərbaycanın tarixi əraziləri olan və vaxtı ilə Ərdəbil Əyalətinin inzibati ərazisi sayılan Astara rayonu İran hakimiyyətinin Güney Azərbaycana qarşı zəyiflətmə siyasəti olaraq illər öncə Ərdəbil Əyalətindən çıxarılaraq Gilan Əyalətinə daxil edilib.
Nəticədə Astara gömrüyündən hər gün milyonlar dollar gömrük qazancı Ərdəbilə deyil Gilan Əyalətinə axır. Bununla da 2 əyalətdən biri kasiblaşır digəri isə zənginləşir.

Taymaz

GUNAZ.TV

SON XƏBƏRLƏR