Güney azərbaycanlı nəşriyyatçılar yeni qaydaya etiraz ediblər

SON XƏBƏRLƏR

Güney azərbaycanlı nəşriyyatçılar yeni qaydaya etiraz ediblər

2023.10.25, 13:30

Şərqi Azərbaycanın İslama Çağırış (İrşad) İdarəsi hər il keçirilən Təbriz Kitab Sərgisi barədə yeni qayda tətbiq ediblər.

Gunaz.tv

Təbriz Kitab Sərgisi güney azərbaycanlı nəşriyyatçıların əksəriyyətinin iştirak etməsi ilə hər il payız aylarında keçirilir.

Şərqi Azərbaycanın İslama Çağırış İdarəsi yeni qayda olaraq Təbriz Kitab Sərgisinin keçirilməsi və satışı işlərini Təbrizin Kitab Evinin səlahiyyətinə daxil edib.

Belə ki, sərgidə iştirak etmək istəyən nəşriyyatçılar nəşr edəcək kitablarını əvvəlcə məhdud sayda Kitab Evinə təhvil verməlidirlər. Bu qurum da kitabların məzmununu araşdırıb rəy bildirməklə, məsləhət gördükləri kitabların sərgidə iştirak etməsinə icazə verəcək.

Bu isə kitabların senzuradan keçirilməsi anlamındadır.

Təlimata əsasən, sərgidə kütləvi satılmış kitabların məbləği Kitab Evinin hesabına göcürülməli və sərginin bitməsindən 1 ay sonra kitabların nəşrinə xərclənmış vəsaitdən 40 faiz çıxılmaqla, qalanı nəriyyatçıların hesabına köçürüləcək.

Kitab sərgisi barədə həmin təlimat İranda misli görnüməmiş hərəkət kimi ilk olaraq Güney Azərbaycanda tətbiq olunur.

Azərbaycanlı nəşriyyatçılardan bir qrupu Şərqi Azərbaycan Əyalətinin Baş İslama Çağırış İdarəsinə etiraz məktibu göndərməklə, sərgidə iştirak etməcəyəclərini bildiriblər.

Qeyd edək ki, Güney Azərbaycan nəşriyyatçıları müəyyən qədər Azərbaycan dilində kitablar nəşr edirlər. Həmin qayda dolayısı ilə hakimiyyət tərəfindən Azərbaycan nəşriyyatçılarına təzyiq hesab olunur.
d6054a9f9b3ab0ecb188d10f0654b68d9b0c0d61-750x375.jpg?rect=125,0,500,375&w=800&h=600&fm=webp&q=70

BMT-nin İran üzrə özəl məruzəçisi Cavid Rahman qeyri-fars xalqların bütün tribunalardan məhrum edildiyini və vaxt ötdükcə bu hərəkətlərin daha da kəskinləşəcəyini bildirib.

“Ölkənin hüquqi və siyasi quruluşunda ciddi qüsurlar olduğuna görə demokratiya və islahat prosesləri məğlubiyyətə uğrayır.”-deyə məruzəçi Cavid Rahman İran barədə vurğulayıb.

Taymaz

GUNAZ.TV

SON XƏBƏRLƏR