Rubio: Tramp müharibə və ya razılaşma əvəzinə İran rejimini boğmaq yolunu seçib

SON XƏBƏRLƏR

Rubio: Tramp müharibə və ya razılaşma əvəzinə İran rejimini boğmaq yolunu seçib – “Axios”

2026.11.11, 10:18

ABŞ Prezidenti Donald Tramp İranla müharibəni yenidən başlatmaq və ya razılaşma əldə etmək variantlarını nəzərdən keçirsə də, sonda üçüncü yolu – İran rejimini iqtisadi və siyasi baxımdan boğmaq strategiyasını seçib.

Gunaz.tv

Bu barədə ABŞ-ın dövlət katibi Marko Rubio çərşənbə axşamı Parisdə G7 ölkələrinin xarici işlər nazirləri ilə keçirilən görüşdə bildirib. “Axios” nəşri qapalı görüşdə iştirak edən üç nəfərə istinadən məlumat yayıb.

“Prezidentin cəmi iki seçimi yoxdur. Məsələ yalnız müharibəyə qayıtmaq və ya absurd sülh sazişi imzalamaqdan ibarət deyil. Bizim üçüncü variantımız hazırda gördüyümüz işləri davam etdirməkdir”, – deyə Rubio bildirib.

Nəşrin məlumatına görə, Rubio Trampın dərhal qərar qəbul etmək üçün təzyiq altında olmadığını deyib.

“Axios” yazır ki, bu strategiyanı Rubio ilə yanaşı, ABŞ-ın maliyyə naziri Skott Bessent, Mərkəzi Kəşfiyyat İdarəsinin direktoru Con Retkliff və Trampın müşaviri Cared Kuşner də müdafiə edib. Onlar hərbi əməliyyatların yenidən başlanmasına qarşı çıxıb, eyni zamanda mövcud şərtlər daxilində İranla razılaşma əldə edilməsinin mümkünlüyünə şübhə ilə yanaşıblar.

Tramp bazar ertəsi bildirib ki, bu strategiya çərçivəsində İranın qabaqcıl silah və texnologiyaların daşınması üçün istifadə etdiyi quru marşrutlarının qarşısını almağı hədəfləyən “Dəmir Qapı” (“Iron Gate”) adlı yeni əməliyyat da nəzərdə tutulur.

GUNAZ.TV

SON XƏBƏRLƏR