SON XƏBƏRLƏR

Türkiyənin ASELSAN şirkətinin “Əjdaha” sistemi saniyələr ərzində 51 dronu sıradan çıxardı

2026.11.17, 20:34
Türkiyənin ASELSAN şirkətinin “Əjdaha” sistemi saniyələr ərzində 51 dronu sıradan çıxardı

Gunaz.tv

Türkiyənin müdafiə sənayesi şirkəti ASELSAN 51-ci ildönümü münasibətilə keçirdiyi sınaqda yüksək güclü elektromaqnit təsirə malik “Əjdaha” (EJDERHA) sisteminin 51 dronu eyni vaxtda və bir neçə saniyə ərzində raket və sursatdan istifadə etmədən sıradan çıxardığını açıqlayıb.

Gölbek sınaq mərkəzində keçirilən yoxlamanın ilk mərhələsində sistem təxminən 1 kilometr məsafədən iki naqilli dronu, ikinci mərhələsində isə qrup halında hücum ssenarisi üzrə havaya qaldırılan 51 dronun hamısını eyni vaxtda zərərsizləşdirib.

“Əjdaha” yüksək güclü elektromaqnit dalğaları vasitəsilə dronların elektron sistemlərini sıradan çıxarmaq üçün hazırlanıb. Sistem kiçik dronlara və kütləvi dron hücumlarına qarşı mübarizədə istifadə olunacaq.

ASELSAN-ın baş direktoru Əhməd Akyol sistemin kütləvi istehsal mərhələsinə keçdiyini və Türkiyənin “Polad Qübbə” (Çelik Kubbe) adlı çoxqatlı hava hücumundan müdafiə arxitekturasına daxil ediləcəyini bildirib.

 

GunAz TV
R.G

SEÇİLMİŞ XƏBƏRLƏR

Çox oxunanlar