Xocalı faciəsinin tanıdılması problemi Türkiyə Böyük Millət Məclisinin (TBMM) iyulun 29-da keçirilən iclasında 26 fevralın "Xocalı soyqırımının anma günü" kimi tanınması barədə qanun layihəsi təklifi irəli sürülüb. Azərbaycan ictimaiyyəti TBMM-in Xocalı faciəsinin soyqırım kimi tanımasının həqiqətlərin dünyanın gündəminə çıxıarılmasında mühüm bir mərhələ olacağını düşünür. Eyni zamanda, rəsmi Bakının Xocalı faciəsinin tanınması istiqamətində kampaniya xarakterli deyil, intensiv şəkildə iş görməsini, ictimaiyyətin, xüsusən, diaspor təşkilatlarımızın daim səfərbər olunmasını vacib sayır. Tural Amma bəzən Xocalı faciəsilə bağlı tədbirləriin qısamüddətli kompaniya xarakteri daşıması ziyalılarımızı, siyasətçilərimizi narahat edir. Qarabağ Azadlıq Təşkilatının (QAT) sədri Akif Nağı Azərbaycan Milli Məclisinin TBMM-dən dərs götürməsini məsləhət bildi: "Əslində Xocalı faciəsi elə bir məsələdir ki, hər kəs öz imkanları və gücü daxilində işlər görməlidir. Bəzən iradlar olur ki, hansısa bir faciənin ildönümü yaxınlaşarkən bu olay gündəmə gəlir. Əslində bütün dünyada belədir və bizdə də rayonlarımızın işğal gününə bir neçə gün qalmış bunu anırıq. Müəyyən mənada belə vəziyyətə normal yanaşmalıyıq. Həm də il ərzində kampaniya xarakteri olmadan müəyyən məqsədyönlü işlər aparılmalıdır". Bu gün Ermənistanın ifşa olunması üçün ən vacib məsələlərdən biri Xocalı soyqırımının dünyada tanıdılması olduğunu deyən Akif Nağı Türkiyənin bu prosesə çoxdan qoşulduğunu xatırlatdı: "Türkiyə Böyük Millət Məclisində sözügedən məsələnin müzakirəyə çıxarılması, yəni, bu faciənin ildönümünü gözləmədən soyqırımın tanınmasının gündəmə gətirilməsi aparılan işlərin nəticəsidir. Bu ilin fevralında müşahidə etdik ki, həm Türkiyə diasporu, həm Azərbaycan diasporu bütün dünyada əvvəlki illərə nisbətən daha geniş miqyaslı tədbirlər həyata keçirdi. Fikrimizcə, hər bir təşkilat öz üzərinə düşən vəzifəni uğurla yerinə yetirməyə çalışmalıdır. Məsələn, Qarabağ Azadlıq Təşkilatı nki il əvvəl xocalıların imzalarını toplayaraq bütün dünya parlamentlərinə göndərdi. İndi də bu istiqamətdə fəaliyyətimizi davam etdirəcəyik. Ümumiyyətlə, çalışmaq lazımdır ki, birinci növbədə Türkdilli dövlətlərin parlamentləri Xocalı soyqırımını müzakirəyə çıxararaq müvafiq qərarlar versinlər. Ona görə də bu istiqamətdə səylər daha da artırılmalıdır". Xocalı soyqırımının tanıdılmasıyla bağlı təbliğat işlərinin dövlət səviyyəsində aparılmasını vacib sayan QAT sədri bildirdi ki, bu məsələnin daha effektli olması üçün diaspora təşkilatlarının da təbliğatlarını yüksək səviyyədə qurması lazımdır: "Ötən il belə cəhd oldu. Dağlıq Qarabağ problemi İsveç parlamentinə çıxarılaraq müzakirə edildi. Bu ilin əvvəllərində isə Almaniya parlamentində də Dağlıq Qarabağ məsələsinin müzakirəsi keçirildi. Azərbaycan diasporası belə bir nəticəyə nail oldu. Almaniya parlamentinin bir qrup deputatı hökumətə sorğuyla müraciət etdilər ki, Qarabağ münaqişəsinin tənzimlənməsi məsələsində rəsmi Berlinin mövqeyilə bağlı açıqlama verilsin. XX əsrin ən böyük faciələrindən biri olan olan Xocalı soyqırımını dünyada tanıtmaq və ermənilərin iç üzünü vandallığını göstərmək üçün çox böyük imkanların olduğunu deyən Azərbaycan Ziyalılar Birliyinin rəhbəri Eldəniz Quliyev qardaş Türkiyə parlamentinin atdığı addımı yüksək qiymətləndirdi: "Türklər bizə bir örnək kimi bunu göstərdi ki, ilin istənilən vaxtında iş görürlər, milli məsələləri gündəmə gətirirlər. Azərbaycanın xarici siyasət idarəsi var qüvvəsi ilə bu işlə məşğul olmalıdır. Hər bir dövlətin parlamentinə, müvafiq orqanlarına Xocalı faciəsi haqqında kifayət qədər təkzibolunmaz sənədlər göndərmək lazımdır". xalqcebhesi