Contact Us

SON XƏBƏRLƏR

Yeni Azərbaycan Partiyası ATƏT-in Minsk Qrupuna xəbərdarlıq edib

2021.10.20, 07:36
Yeni Azərbaycan Partiyası ATƏT-in Minsk Qrupuna xəbərdarlıq edib

Gunaz.tv

GünAz TV: YAP (Yeni Azərbaycan Partiyası) Qarabağa müsəlmanlaşmış erməni köçü ilə bağlı ATƏT (Avropa Təhlükəsizlik və Əməkdaşlıq Təşkilatı) Minsk Qrupu həmsədrlərinə sərt mövqe göstərib. 

Azərbaycanın hakim Yeni Azərbaycan Partiyası (YAP) ATƏT-in Minsk Qrupunun həmsədrləri Bernar Fasye (Fransa), İqor Popov (Rusiya) və Robert Bradkeyə (Amerika) etiraz məktubu göndərib.

BBC APA agentliyinə istinadən yazır ki, məktuba səbəb Azərbaycanın işğal olunmuş ərazilərinə iddia edildiyi kimi “xarici ölkələrdən erməni ailələrinin köçürülməsi və məskunlaşdırılması” planları olub.

Agentliyə əsasən, məktubun bir nüsxəsi hazırda Bakıda səfərdə olan ATƏT Parlament Assambleyasının (məcmə parlemani) sədri Petros Eftimiuya təqdim ediləcək.

 

Məktubda “Qırğızıstanda yaşayan 200-dən artıq erməni ailəsinin Azərbaycanın işğal olunmuş Dağlıq Qarabağ bölgəsinə köçürülməsinə hazırlıq getməsi barədə KİV-də (Kütləvi İnformasiya Vasitələri) yayılan məlumatlara” diqqət çəkilir.

 

Məktubda vurğulanıb ki, “Dağlıq Qarabağ münaqişəsinin sülh yolu ilə aradan qaldırılması istiqamətində ATƏT-in Minsk Qrupu çərçivəsində intensiv (şədid) və ardıcıl danışıqların getdiyi bir vaxtda Azərbaycanın işğal olunmuş Dağlıq Qarabağ ərazisində… süni şəkildə demoqrafik vəziyyəti dəyişmək cəhdi” sülh danışıqların səmərəliliyinə ciddi zərbə vura bilər.

 

Yeni Azərbaycan Partiyası ciddi narahatlığını ifadə edərək, ATƏT-in Minsk Qrupunun həmsədrlərini sülh danışıqlarının nəticələrini heçə endirən və münaqişənin dinc vasitələrlə həllinə dair konstruktiv (yararlı) səylərə mane olan hərəkətləti pisləməyə və mənfi nəticələrinin qarşısını vaxtında almaq üçün müvafiq addımlar atmağa çağırıb.

SEÇİLMİŞ XƏBƏRLƏR

Çox oxunanlar