İsrail rəsmiləri İranla bağlı ziddiyətli açıqlamalar veriblər

SON XƏBƏRLƏR

İsrail rəsmiləri İranla bağlı ziddiyətli açıqlamalar veriblər

2021.10.20, 07:36

Gunaz.tv

GünAz TV: İsrail rəsmiləri bu günlərdə İranla bağlı biri nisbətən yumşaq, digəriisə xeyli sərt iki açıqlama ilə çıxış ediblər.

İsrailin Müdafiə Naziri Ehud Barak yerli “Haaretz” qəzetinə verdiyi geniş müsahibədə bəzi məqamlarla bağlı ölkəsinin rəsmi mövqeyinə zidd fikirlər səsləndirib. O bildirib ki, “İranın hətta nüvə silahına sahib olsa belə, nə İsrailə, nə də hər hansı digər qonşu dövlətə hücum etməyəcək”. Barak iranla bağlı ümumən rahatlıq içinə girməyin səhv olduğunu düşünsə də, məhz “nüvə təhlükəsinin şişirdilməməli olduğu” qənaəitini paylaşıb. Xatırladaq ki, İsrailin Baş Naziri Binyamin Netanyahunun bu barədəki fikirləri tam fərqlidir. Netenyahu hətta İranın nüvə silahına sahib olmaq istəyini “Faşist Almaniyasının kütləvi qırğın silahlarına sahib olmaq cəhdlərinə” oxşadıb.

Eyni zamanda İranın nüvə proqramı ilə bağlı olaraq dünyanın və eləcə də Beynəlxalq Atom Enerjisi Agentliyinin ciddi tərəddüdlərə malik olduğunu, bu səbəbdən İrana ciddi sanksiyalar (təhrimlər) tətbiq olunduğunu da əlavə etmək lazımdır. Onu da qeyd edək ki, bu sanksiyalar da öz növbəsində həm İran ilə qonşularının münasibətlərində ciddi problemlər yaradır və çox sayda dövləti çıxılmaz vəziyyətdə qoyur, eyni zamanda İran iqtisadiyyatında ciddi problemlər yaradır ki, bu problemlərin çoxu sadə vətəndaşların gündəlik həyatlarına öz mənfi təsirlərini göstərir.

Digər tərəfdən İsrailin Baş Naziri Binyamin Netanyahu ABŞ-ın (Amerika Birləşmiş Ştatlarının) nüfuzlu CNN televiziya kanalına verdiyi müsahibəsində “Usamə Bin Ladinin öldürülməsindən sonar dünya üçün ən böyük təhlükənin Ayətullah Əli Xamenei olduğunu” iddia edib. Netanyahunun bu açıqlaması İran tərəfindən sərt etirazla qarşılanıb.

İran və İsrail rəsmilərinin birbirlərini sərt ifadələrlə günahlandırmaları, təhqir etmələri, hətta “ölkələrini xəritədən silməklə” təhdit etmələri alışılmış haldır. Ancaq ilk dəfədir ki, İsrailin bir rəsmisi bu qədər sərt ifadə işlədərkən, digər rəsmisi dünyanın da narahatlıq keçirdiyi bir məsələ barədə nisbətən yumşaq ifadə işlədir. Bu ola bilsin ki, İsrail daxilindəki fikir ayrılıqlarından ya da İranın gücünü böyütməmək taktikasından qaynaqlanır. Araztm

GUNAZ.TV

SON XƏBƏRLƏR