Contact Us

SON XƏBƏRLƏR

Əhmədinejad üzə çıxıb

2021.10.20, 07:36
Əhmədinejad üzə çıxıb

Gunaz.tv

GünAz TV: İran prezidenti Mahmud Əhmədinejad 10 günlük fasilədən sonra hökumətin iclasında iştirak edib. ETTELAAT (İran Kəşfiyyat Nazirliyi) rəhbəri Heydər Moslehi iclasa qatılmayıb.

Aprelin 17-də Heydər Moslehi tutduğu vəzifədən istefa versə də, ayətullah Əli Xamneyinin göstərişi ilə dərhal öz postuna qaytarılıb. Bundan sonra məsələyə aydınlıq gətirən bir sıra saytlar Heydər Moslehinin onunla ixtilafı olan prezidentin təzyiqi ilə istefaya məcbur edildiyini xəbər veriblər.

Aprelin 19-da İranın dini lideri ayətullah Əli Xamneyi Heydər Moslehiyə məktub yazaraq ona dəstək verib.

GünAz TV mətbuat mərkəzinin “Media forum”-a istinadən yaydığı məlumata görə,  aprelin 30-u axşam saatlarında hökumətin iclasında çıxış edən Əhmədinejad onunla Xamneyi arasında ixtilaf yaranması ilə bağlı dedi-qodu yayanları “riyakar və hiyləgər” adlandırıb: “Bir neçə gün evdə oturmağımın müəyyən səbəbləri var ki, bunu öz ürəyimdə saxlayacağam. Çünki bir çox sözlər insanın ürəyində qalmalıdır.

İş yerimdə olmadığım bir neçə gündə xaricdə bir qrup riyakar və hiyləgər, ölkə daxilində isə bir qrup cahil və qərəzli şəxs toy-bayram etməyə çalışdılar. Mənim onlara cavab vermək fikrim yoxdur. Son 5 il yarımda prezident postunda olduğum müddətdə gecə-gündüz eşq və imanla xalqa xidmət göstərmiş, bütün vücudumla “Vilayət-i fəqih”in (ayətullah Xamneyinin) istiqamətində hərəkət etmişəm.

Hesab edirəm ki, prezident güclü olmalıdır. Güclü prezident həm rəhbərin, həm də xalqın başını uca edə, hər bir təzyiq qarısında dayanıb ölkəni təhlükədən müdafiə edə bilər”.

SEÇİLMİŞ XƏBƏRLƏR

Çox oxunanlar