Ermənistanda yoxsulluq hökm sürür

SON XƏBƏRLƏR

Ermənistanda yoxsulluq hökm sürür

2021.10.20, 07:36

Gunaz.tv

GünAz TV: Ermənistanda əhalinin 12 faizi həyatının daha da firavanlaşdığında əmindirsə, 54 faizi yaşamaq üçün mübarizə etdiyini bildirir, 34 faizi isə əzab çəkir.

Bu qənaətə, son araşdırmalarına əsasən, nüfuzlu “Gallup” Tədqiqatlar Mərkəzi gəlib.

GünAz TV mətbuat mərkəzinin BBC-yə istinadən yaydığı məlumata görə, Dünyanın 124 ölkəsində keçirilən tədqiqatların məqsədi yerli əhalinin öz həyatını necə qiymətləndirdiyini və qarşıdan gələn 5 il ərzində nə gözlədiyini öyrənmək olub.

Ermənistanda sorğuda iştirak edənlərin yarısından çoxu, 10 ballıq sistem üzrə, öz həyat səviyyəsini 4-7 ball arasında qiymətləndiriblər.

Bu qrupu xarakterizə edərək, “Gallup” bildirir ki, “bu adamlar sadə ya qeyri-sabit həyat sürür, bugünü və gələcəklərinə dair təsəvvürləri ehtiyatlı və ya mənfidir, onlar ya hazırda müəyyən problemlərlə üzləşirlər ya da yaxın gələcəkdə üzləşəcəklərini ehtimal edirlər, pul çatışmazlığıından fikirlidirlər və, bir qayda olaraq, çəkirlər (papiros, siqaret)”.

Vəziyyət üçüncü, sorğuda iştirak edənlərin təxminən üçdə birini təşkil edən (“əzab çəkənlər“ ) qrupunda daha pisdir.

“Gallup” mərkəzininn araşdırmasına görə, elə çıxır ki, hər 3-cü Ermənistan sakini gələcək 5 il ərzində həyatında müsbət dəyişiklik baş verəcəyinə ümid etmir, gündəlik çörək tapmaq, mənzil, səhhəti və onun qorunması məsələləri ilə bağlı problemlərlə üzləşir.

Ermənistanda sorğu olunanların 12 faizi öz yaşayış səviyyəsini 7 ball qiymətləndirib. Onlar, “Gallup”-a görə, stabil və firavan həyat sürür, gələcəkdən gözləmələri müsbətdir, səhhətlərindən nadir hallarda şikayətlənir və, bir qayda olaraq, xoşbəxt yaşayırlar.

GUNAZ.TV

SON XƏBƏRLƏR