Bu gün Güney Azərbaycan türkünün milli məfkurəyə tapınan demokratik mübarizəsi  yeni mərhələ yaşamaqdadır. Güney Azərbaycan türkünün  mubarizəsi  millətimizin milli , siyasi, iqtisadi və mədəni tələblərinin gerçəkləşməsi çərçivəsində  aparılır. Güney Azərbaycan türkünün mübarizəsi  milli məfkurədən qaynaqlanan  müstəqil  siyasi və demokratik mubarizədir. Ancaq, mahiyyətcə milli hərəkata yad olan bəzi quvvələr milli hərəkatın doğru istiqamətdə inkişaf etməsinə qarşı çıxaraq təxribatçı fəaliyyətlərindən əl çəkmirlər. Güney Azərbaycan milli hərəkatına yonəlmiş təxribatlar əslində milli hərəkatın şəffaflaşmasını istəməyən qüvvələr tərəfindən həyata keçirilir və  onlar Güney Azərbaycan türkünün milli maraqlarını zərbə altina salmaq məqsədilə milli qüvvələr arasında parçalanma siyasəti aparmağa çalışırlar.

Özünü Azərbaycanın milli sayti kimi təqdim edən, əslində milli hərəkata qarşı yalnız təxribatla məşğul olan “Baybek” saytı və bu saytın yaratdığı imkanlardan faydalanan bəzi qüvvələr son vaxtlarda tənqid adı altında  Güney Azərbaycan Televiziyasına (GUNAZ TV) qarşı  hücum kompaniyasına başlamışlar . Ancaq, unutmaq lazım deyil ki, Güney Azərbaycan milli hərəkatı öz milli iradəsini ortaya qoyan siyasi yetkinliyə sahib güc mərkəzi olaraq  milli hərəkat daxilində parçalanma siyasəti aparan  istənilən  qüvvəni ifşa edərək belə bir təxribatların milli hərəkatda vüsət almasına icazə verməyəcək. Təəssüf ki, bu gün özünü Azərbaycan Qurtuluş Partiyası kimi tanıtdıran təşkilat da “Baybek” saytının milli hərəkata qarşı  apardığı təxribatçı fəaliyyəti göz ardı edərək Güney Azərbaycan milli hərəkatında gedən mubarizənin zənginləşməsində danılmaz rolu olan GUNAZ TV-ə qarşı haqsız və yersiz ittihamlar səsləndirir və təhqiredici yazı ilə çıxış edir . Qəribədir ki, bu qurum GUNAZ TV-ə qarşı yönəlmiş təhqiredici yazısında Güney Azərbaycan Istiqlal Partiyasının da adını hallandırıb .

Biz, Güney Azərbaycan Istiqlal Partiyası olaraq GUNAZ TV-ə qarşı yönəlmiş haqsız ittihamları pisləyirik . GAIP olaraq biz  icazə verə bilmərik  ki, hər hansı bir qüvvə  GAIP adından sui-istifadə edərək öz təxribatlarına  bəraət qazandırsın. Biz bir daha vurğulayırıq ki, Güney Azərbaycan Istiqlal Partiyası  Azərbaycan türk millətinin gücünə arxalanaraq onun istiqlaliyyəti, ərazi bütövlüyünün bərpası və qorunması uğrunda öz mübarizəsini davam etdirir.Güney Azərbaycan İstiqlal Partiyası Güney Azərbaycan Milli Azadlıq Hərəkatının əsas hədərlərə doğru düzgün irəliləməsi, milli mübarizəmizin genişləndirilməsi istiqamətində hərəkət edən bütün milli qüvvələrə bir daha müraciət edir ki, milli qurum və təşkilatlarımız  təxribatçı  qüvvələrin milli hərəkat adından sui-istifadə cəhdlərinə icazə verməsinlər.    

Güney Azərbaycan İstiqlal Partiyası