Contact Us

SON XƏBƏRLƏR

Həmmihən Qəzeti Urmu Gölü haqqında hesabat yayıb

2025.10.15, 12:27
Həmmihən Qəzeti Urmu Gölü haqqında hesabat yayıb

Urmiya gölü ətrafında duz fırtınalarının güclənməsi ilə gölün sahillərində yerləşən kəndlərin minlərlə sakininin həyatı təhlükə altına düşüb.

Gunaz.tv

Gölün quruması, əkinçilik və heyvandarlığın zəifləməsinə, fiziki və psixoloji xəstəliklərin artmasına, insanların başqa şəhərlərə miqrasiya etməsinə, bölgənin sosial və bioloji mənzərəsinin dəyişməsinə gətirib çıxarıb.

Qəzet yaydığı xəbərdə Urmu gölü ətrafındakı bölgələrdə insanlardan müsahibə götürərək gölün qurumasının bölgəyə təsirlərini araşdırıb.

Gölün ətrafındakı kəndlərin sakinləri deyirlər ki, fırtınalı günlərdə görüş məsafəsi bir neçə metrə qədər aşağı enir.

"Duz tufanı başlayanda 100 metr irəlini görə bilmirik. Gözlərimiz yanır, kəndin gənclərinin çoxunda ağciyər və qırtlaq xərçəngi diaqnozu qoyulub. Göl quruyandan bəri 20-dən çox sakin 40 yaşına çatmamış dünyasını dəyişib" - bu sözləri Zintlu kənd sakini Həsən Pəhləvani deyib.

Sosioloq və ekoloji tədqiqatçı Azər Əliməhəmmədi Urmiya gölü ilə bağlı araşdırmasında onun qurumasını aparılan idarəetmə siyasətləri nəticəsində ekosistemin sıradan çıxarılması hesab edib.

"Bir vaxtlar gölün əkinçiliyi, heyvandarlığı və insanların həyatını mümkün edən sabit və dayanıqlı sistemi var idi. Bu gün torpaq şoranlaşıb və hətta təmiz içməli su belə yoxdur." - deyə o bildirib.

Urmiya Tibb Elmləri Universitetinin müəllimi, onkoloq Vəli Rəhimzadə də duz fırtınalarının sağlamlıq fəsadları barədə xəbərdarlıq edir: "Gölün bəzi hissələri milyonlarla ildir su altında qalıb və təzəcə quruyub. Heç kim bilmir ki, bu yataqdan hansı mikroblar və ya naməlum elementlər ayrıla bilər." - o qeyd edib.

Vəli Rəhimzadə bəy bildirib ki, bu tufanlar gələcəkdə təkcə Qərbi Azərbaycana deyil, Şərqi Azərbaycan, Ərdəbil və Zəncan kimi vilayətlərə də təsir edəcək.

Urmiya Gölü Bərpa Qrupunun keçmiş üzvü, su eksperti Yusif Totaxanə Binab deyir ki, gölün quruması kəndlərin tədricən boşaldılmasına gətirib çıxarıb.

"Binab və Mələkəndə kənd əhalisinin 70 faizindən çoxu miqrasiya edib. Bu durum davam edərsə, İnsanlar nəhayət bölgəni tərk edəcək və ya kapitallarını başqa ölkələrə aparacaqlar." - o bildirib.

Qeyd edək ki, Urmiya gölünün quruması yavaş-yavaş və səssizcə yayılan humanitar, sosial və iqtisadi fəlakətdir. Duz tufanları, kənd təsərrüfatının məhv olması, xəstəliklərin artması, məcburi köç və ailələrin dağılması gölün dibindən başlayaraq Azərbaycanın hər yerinə yayılan dağılma zəncirinin əlamətləridir.

 

C

Açar Sözlər :

SEÇİLMİŞ XƏBƏRLƏR

Çox oxunanlar